Kulonga 19:10 - Baibo Busansulushi Bwa Libuku Ili

¹⁰ alakwe Mwaami Lesa wakamwaambila ayi, “Koya ukalwiite bantu ayi kutalika sunu alimwi aciilo, balyeelete kulisalasha ayi balibambile kulambila Lesa. Balyeelete kucapa shakufwala shabo

Kulonga 19:10 Referans Kwoze

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Lefi 11:25

Uyo woonse weenga wabwesa mutuntu wa comwi pali nshisho, ulyeelete kucapa shakufwala shakwe, nakubi boobo teshi akanoosalalite kushikila macolesha.

Matalikilo 35:2

Aboobo Jakobo wakaambila bamuŋanda yakwe abamwi boonse mbwaakalingaabo ayi, “Amusowe balesa beensu mbomucite, amulisalashe, mufwale shakufwala shili kabotu.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Shakubelenga 8:21

Bene Lefi bakalisalasha akucapa shakufwala shabo, alakwe Aloni wakababenga kuMwaami Lesa ayi ncipo cakutambeeka. Alimwi wakabacitila ashoonse shiyandika kweelana amulawo wakusalasha.

Bene Lefi 15:5

Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Joshuwa 3:5

Mpomunyaawo Joshuwa wakaambila bantu ayi, “Amulisalashe, mukwiinga ciilo Mwaami Lesa ulaakucita shaankamiko pakati kanu.”

Shakubelenga 8:7

Mukucita boobo, ubasanseele maanshi asalasha akubalwiita ayi bakulule pamibili yabo yoonse alimwi bacape shakufwala shabo. Lyalo ndyeshi banoosalalite kweelana aMilawo.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Joshuwa 7:13

“Nyamuka, koya ubasalashe bantu. Ubalwiite ayi bakalibambile kwisa kunembo lyangu ciilo. Nebo neMwaami Lesa, Lesa wa bene Isilaeli ndisuni kubalwiita ayi, ‘Nobene Isilaeli pakati kanu pali shintu sheelete kunyonyoolwa. Aboobo inga tamulwaniiwo akukoma balwani banu na mubule kushikusha pakati kanu.

2 Makani 29:5

akubalwiita uko ayi, “Mwebo nobene Lefi mulyeelete kulisalasha alimwi akusalasha Ŋanda yakwe Lesa, Lesa wa bamashali banu bakulukulu. Mukushe shoonse isho shitasalalite muŊanda yakwe Lesa.

Shakubelenga 31:24

Anu pabushiku bwasanu ashobilo, mulyeelete kucapa shakufwala shanu. Lyalo mulaakunoosalalite kweelana aMilawo alimwi mulaakusuminishikwa kwinjila mumisumba.”

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

2 Makani 29:34

Paciindi ici tekwakalinga bapailishi bakalinga kukonsha kucaya banyama abo boonse. Aboobo bene Lefi bakabacafwaako kushikila mulimo woonse wamana. Muciindi ico bapailishi abamwi bakalisalasha kweelana aMilawo. Bene Lefi bakalinga kwiindaawo kushomeka mukwikala kabasalalite kweelana aMilawo kwiinda bapailishi.

1 Samwelo 16:5

Samwelo wakalinga kukumbula ayi, “Ne taaku cabica, ndesabo mukubenga mulambu kuMwaami Lesa. Amulisalashebo tuye soonse mukubenga mulambu.” Lyalo wakalwiita Jese abana bakwe basankwa ayi balisalashe. Mpeeke wakabatamba ayi bese kumulambu.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Shakubelenga 11:18

Ono ulwiite bantu ayi, ‘Mulisalashishe limwi bushiku bwaciilo ndyeshi mukalye nyama kabutana kushikila. Mwaami Lesa wakamunyumfwa kamutongooka akwaamba ayi kubota bulya kulyawo nyama, alimwi ayi mwakalinga kwikala kabotu mucishi ca Ijipiti. Ono Mwaami Lesa ulaakumupa nyama, alimwi mulyeelete kwiilya.

Shakubelenga 19:19

Ono pabushiku bwatatu apabwasanu ashobilo, muntu usalalite kweelana aMilawo ulyeelete kusanseela maanshi pamuntu uyo utasalalite. Lyalo pabushiku bwasanu ashobilo ulyeelete kumusalasha. Alakwe na wamana kusalashikwa ulyeelete kucapa shakufwala shakwe akusamba pamubili, lyalo ulaba usalalite kweelana aMilawo pakwipila lisuba.

2 Samwelo 19:24

Mpeeke Mefibosheti, mwishikulu wakwe Saulo, wakesa alakwe mukukumanya mwaami Defedi. Musankwa uyo, mwaami Defedi mbwaakaswita muJelusalemu, taakwe kusambawo kumyeendo, kucesawo ndesu nabi kucapawo shakufwala kushikila mwaami Defedi ndyaakakoma akupiluka.

Shakubelenga 31:23

alimwi acintu cimwi cili coonse ceenga cabula kupya, cilyeelete kusalashikwa kwiinda mumulilo. Lyalo ndyeenga caba cisalalite. Sombi shoonse ishi shilyeelete kusalashikwa amaanshi akusalashisha pantu pomwi ashintu shoonse shitakonshi kubikwa mumulilo.