Kulonga 17:12 - Baibo Busansulushi Bwa Libuku Ili

¹² Ono maansaakwe Mose ndyaakacisa kutambika mwiculu, Aloni alimwi aElu bakamuletela libwe ayi akaleewo. Mpeeke balo bakeemikana umwi kululyo aumwi kucipiko, akucatilila maansaakwe kwaamba ayi anoolibo mwiculu kushikila kwipila kwa lisuba.

Kulonga 17:12 Referans Kwoze

Isaya 35:3

Amuyumyeyumye maansa a baabo babula nkusu. Amupe nkusu myeendo ya baabo batootutumabo ceebo cakulefuka.

Bene Filipi 1:19

mukwiinga ndishi ayi kwiinda mumipailo yanu alucafwo lwa Mushimu wakwe Jesu Klistu, ndaakwaangululwa.

Bene Ebulu 12:12

Paceebo ceeco, amuyumye shiso sha maansaanu alefukite, alimwi amumanungo anu mutoobukuma!

1 Bene Tesalonika 5:25

Aswebo nobamakwesu, kamutupaililaako.

Bene Efeso 6:18

Kamupaila pakucita shintu shoonse ishi. Kunoosenga Lesa kwaamba ayi amucaafwe. Paciindi coonse kamupaila kweelana aMushimu Usalashi mbweenga wamutanjilila. Paceebo ceeco amucenjele, mutatyongooki napaceyi. Lyoonse na mutoopaila, kamupaililako bashomi boonse.

2 Bene Kolinto 1:11

kweelana ambomutucafwa mumipailo yanu. Lyalo baanji balaakulumbaisha Lesa mukwiinga wakatupa shoolwe ceebo ca mipailo ya bantu baanji.

Jemusi 1:6

Ono ulyeelete kusenga cakutatonsha napaceyi. Ceebo uyo utonsha uli anga ndyaaba palweenge ilyo litolaanishikwabo amuuwo.

Kulumbaisha 35:3

Amubambe moondo alisumo, kwaamba ayi mulwane baabo baya bumfwima! Amushomeshe mumoyo wangu ayi, “Ndaakukupulusha.”

Bene Kolose 4:2

Amucatishe kupaila, kunoolibambite lyoonse alimwi akulumba Lesa.

Kulonga 17:11

Paciindi ico Mose ncaakalinga kutambikite maansa mwiculu, bene Isilaeli bakalinga kukoma. Sombi na waaloshesha panshi, bene Amaleki bakalinga kutalika kukoma.

Kulonga 17:13

Munshila iyo Joshuwa wakakoma bene Amaleki cakumaninina.

Kulonga 24:14

Mose wakaambila bamatanjilili abo ayi, “Kamushiite peenka pano munootulindila kushikila tukese. Aloni alimwi a Elu bacaala amwebo. Aboobo na kuli umwi ucite matongooshi inga waya kuli mbabo.”

Joshuwa 8:26

Joshuwa alakwe taakwe kutula lyaansa ilyo lyakalinga kucite lisumo kushikila bantu boonse bakalinga kwikala muAi ndibakamana kucaikwa.