Kulonga 16:15 - Baibo Busansulushi Bwa Libuku Ili

¹⁵ Bene Isilaeli ndibakatubona, tabakwe kutwishiba, aboobo bakatalika kwiipushanya ayi, “Anu utu ntuunshi?” Mose wakabalwiita ayi, “Uyu ngoshinkwa Mwaami Lesa ngwaamupa.

Kulonga 16:15 Referans Kwoze

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Joni 6:58

Ici anu ncecakulya cakaswa kwiculu. Tacibete mbuli mana bamashali banu bakulukulu ngobakalya, nakubi boobo bakafwa. Sombi ulya cakulya ici ciswa kwiculu ulaakunooli abuumi lyoonse.”

Kulonga 16:31

Mpeeke bene Isilaeli bakalinga kwiita shakulya ishi ayi mana. Shakalinga kuboneka anga ninseke shiniini shituba. Ono pakulya shakalinga kunyumfwika anga ncimaande cakapangwa abuuci.

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

1 Bene Kolinto 10:3

Boonse bakalya cakulya comwi ca mushimu,

Neyemiya 9:20

Mwakabapa Mushimu wanu ubotu ayi unoobeeisha shakucita. Mwakabapa mana ayi balye akubapa maanshi ayi banwe.

Neyemiya 9:15

“Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.

Joshuwa 5:12

Kuswawaawo mana akacileka kuloka. Mpeeke tekwakalingaawo mana mucishi ca bene Isilaeli alimwi. Lyalo bakalinga kulyabo shakulya sha mucishi ca Kenani.

Joni 6:49

Bamashali banu bakulukulu bakalya mana muluyanga, sombi bakafwa.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Shakubelenga 21:5

akutalika kutongookela Lesa alimwi aMose. Bakaamba ayi, “Nciinshi ncemwakatukushisha mucishi ca Ijipiti ayi twise tufwite momuno muluyanga mutaamu shakulya nabi maanshi? Twalema kulya cakulya ici cibiibi!”

Kulonga 16:33

Mpomunyaawo Mose wakaambila Aloni ayi, “Bwesa kangomo, ubikemo mana akumana malita obilo akukabika pameenso a Mwaami Lesa kwaamba ayi tukaboneshe bamulunyungu lwesu.”

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.

Bene Ebulu 9:4

Mucipinda ici, mwakalinga cipaililo ca golodi apo pakalinga kutentelwa tununkila kabotu alimwi aLibokoshi lya Cipangano ilyo lyakalinga lya mukuba peculu. MuLibokoshi ili mwakalinga mungomo wa golodi umo mwakalinga mana, inkoli yakwe Aloni iyo yakalinga yasonsa matewu alimwi amabwe obilo apampamene apo pakalinga kulembetwe Milawo.

Luka 12:30

Ishi nsheshintu bantu bakunsengwe shibayandoola, sombi Ishiwanu ulishi kwaamba ayi shoonse ishi mulishisuni.

Tushimpi 9:5

“Kamwisa mulye shakulya shangu akunwa waini uyo ngondakasenkanya.

Kulumbaisha 78:24

Wakalosha mana ayi bantu balye, wakabapa shakulya shakaswa kwiculu.

Kulumbaisha 105:40

Bakasenga cakulya, lyalo Mwaami Lesa wakabapa bakancele, wakabapa cakulya cakaswa kwiculu kwaamba ayi bakute.