Kulonga 14:29 - Baibo Busansulushi Bwa Libuku Ili

²⁹ Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Kulonga 14:29 Referans Kwoze

Kulonga 14:22

Aboobo bene Isilaeli bakasubukabo payumu, maanshi akalinga kwiimfwibo kumbasu shoonse shobilo anga ndubumbu lwa ŋanda.

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Isaya 51:10

Sa te ndimwe mwakayumya lweenge lulaamfu, ee, kuyumya maanshi alaamfu alya? Anu balya bakapanga nshila mulweenge lulaamfu kwaamba ayi balya bakalubulwa basubukile kwitala lya ndulo mbaani?

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Joshuwa 3:16

maanshi ayo akeemikana kukunka. Lyalo akalundanabo kulaale mundabala iitwa ayi Adamu, iyo ibambene aSaletani. Maanshi akacileka kukunka kuLweenge lwa Mwiinyo. Paceebo ceeci bantu bakasubuka pafwaafwi andabala ya Jeliko.

1 Bene Kolinto 10:1

Nobamakwesu ndisuni kwaamba ayi mwiibaluke shakacitikila bamashali besu bakulukulu. Boonse bakafunwa alikumbi alimwi boonse bakasubuka Lweenge Lusalala.

Kulonga 15:8

Mwakayoyela palweenge, mpeeke maanshi akalilundikabo mweela. Maanshi akeemikanabo anga ndubumbu lwa ŋanda, apaapo poonse pakalinga palaamfu pakaboolabo nta.

Kulonga 15:19

Anu bene Isilaeli bakasubuka lweenge pabulongo buyumu nta. Sombi shikoci shankondo sha bene Ijipiti, maaki alimwi abeshikweensha babo ndibakashika mulweenge, Mwaami Lesa wakakumanya maanshi alimwi. Mpeeke akabafwekelesha.

Isaya 11:15

Mwaami Lesa ulaakuyumya maanshi pakusubukila lweenge lwa bene Ijipiti. Lyaansa lyakwe lilaakwiinsha muuwo ulungula paMulonga wa Yufuletisi. Ulaakupasoolamo tulonga tosanwe atobilo kwaamba ayi bantu bakanoosubukabo payumu nta.

2 Baami 2:8

Mpomunyaawo Elija wakafuula cakufwala cakwe ca peculu, wacipomba akucuuma pamaanshi. Mpeeke maanshi akapansaana, lyalo lakwe aElisha bakasubuka payumu kuya kwitala.

Neyemiya 9:11

Mwakapansaanya lweenge kunembo lyabo kwaamba ayi beende akusubukila payumu. Sombi abo bakalinga kubakonkela mwakabalobya mumaanshi alaamfu bweenka libwe mbolipila mulweenge lulaamfu.

Kulumbaisha 78:13

Wakapansaanya lweenge akubasubusha, wakalengesha maanshi kwiimikana anga ndubumbu.

Kulumbaisha 106:9

Wakaambila Lweenge Lusalala ayi luyume, mpeeke lwakayuma nta. Wabatanjilila mulweenge ulo pamumpwampwa uyuminite anga muluyanga.

Kulumbaisha 136:13

Wakapansaanya Lweenge Lusalala pakati, ee, mukwiinga lusuno lwakwe ndwamuyayaya.