Kulonga 14:24 - Baibo Busansulushi Bwa Libuku Ili

²⁴ Ingayi macuunsacuunsa, Mwaami Lesa wakalanga pabashilumamba bene Ijipiti kuswa mulicincilo lya mulilo alikumbi, abafulunganya.

Kulonga 14:24 Referans Kwoze

Kulonga 13:21

Ciindi ca malumwi, Mwaami Lesa wakalinga kubatanjilila kwiinda mulicincilo lya likumbi ayi babone kabotu nshila, ingayi ciindi ca mashiku wakalinga kubatanjilila kwiinda mulicincilo lya mulilo kwaamba ayi ubamunikile, ayi banokweenda malumwi alimwi amashiku.

Kulonga 14:25

Wakalengesha kwaamba ayi mawilo a shikoci shabo shankondo kucatwa cakwaamba ayi cakalinga ciyumu kweenda. Ndibakabona bobulya bene Ijipiti bakaamba ayi, “Mwaami Lesa utoolwaninako bene Isilaeli ayi tukomwe. Atusweemo muno!”

Kulumbaisha 48:5

Sombi kwiibonabo bakakankamana. Bakaloonda abuumbi akuswaako lubilo.

Jobo 40:12

Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 34:20

Bantu balapulumukilwabo lufu nabi pakati ka mashiku nkufwa. Balatenkaanishikwabo, lyalo balashimingana. Lesa ulakushawo beshinkusu cakutamuyuminaawo.

Kulumbaisha 104:32

Na walangilisha cishi ca panshi acalo cilatenkaana. Na wakumya tulundu atwalo tulasunta.

Jobo 22:13

Sombi uleepusha ayi, ‘Ino Lesa nciinshi nceeshi? Sa inga wakonsha koombolosha mumakumbi ashiya mbi mwaabete?

1 Samwelo 11:11

Bushiku bwakaboolaawo kumuyamaca Saulo wakapansaanya bashilumamba bakwe mumakoto otatwe. Mpeeke kalitana kuswa bakawuumukila mumisumba ya bene Amoni akubalwana. Lyalo bakabacaya tibili lisuba ndilyakashika pakati ka mutwi. Pabaabo bakapuluka bakapalangana cakwaamba ayi umwi aumwi wakalinga kuya cicicabo eenka.

Kulumbaisha 78:14

Malumwi wakalinga kubatanjilila alikumbi, mashiku wakabatanjilila amumuni wa mulilo.

Kulumbaisha 90:4

Myaaka cuulu ili anga mbushiku bomwi pameenso anu. Ilaboneka anga mbushiku bweenda kale, nabi anga nciindi ciniini mashiku.

Amosi 9:4

Nabi balwani babo bakabatole mubusha, ndaakulengesha ayi bakacaikwe kunkondo. Ndishinishite kubanyonyoola kuteshi kubacafwa napaceyi.”