Kulonga 13:9 - Baibo Busansulushi Bwa Libuku Ili

⁹ Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Kulonga 13:9 Referans Kwoze

Dutolonomi 6:8

Amuyaange pamikono yanu alimwi mwiifwaale pankumo ayi nciibalusho.

Shakubelenga 15:39

Mansambaala ayo alaakunoomwiibalusha milawo yangu neMwaami Lesa akwiikonkela lyoonse na mwaabona. Aboobo teshi mukakonkele lunkumbwa lwa myoyo yanu ameenso anu.

Kulonga 13:16

Ici cilaakuba ciibalusho, bweenka mbuli cimwi cintu caangitwe kumaansa esu alimwi apankumo. Cinanootwiibalusha ayi Mwaami Lesa wakatukusha muIjipiti kwiinda munkusu shakwe shiteelekwa.’ ”

Kulonga 12:14

Mulyeelete kunoosekelela bushiku ubu kwaamba ayi mwiibaluke ncendacita nebo neMwaami Lesa. Mukanoosekelela amyaaka yoonse ili kunembo.”

Bene Loma 10:8

Malembo alaamba ayi, “Maswi akwe Lesa ali pafwaafwi amwebo, ali mumilomo amyoyo yanu.” Nkokwaamba ayi maswi akwe Lesa aamba shalushomo ngotushimikila.

Isaya 59:21

“Ndaapanga cipangano ambabo cakwaamba ayi, ‘Mushimu wangu uli muli ndimwe, maswi angu ngondamupa teshi mukaalubeewo sobwe, nabi bana banu nabibo bamulunyungu lwabo kuswa sunu kushikila muyayaya.’ ”

Mateyo 23:5

Balacita shintu shoonse kwaamba ayi bababoone bantu. Balalyaangilila tukomwe tunene ntobabikamo maswi akwe Lesa palyaansa alimwi apankumo, akulaampya mansambaala ashakufwala shabo.

Dutolonomi 30:14

Sobwe, ulibo pafwaafwi, mulishi, mulakonsha kuwaamba, aboobo amuukonkele.

Kulonga 13:3

Mpomunyaawo Mose wakaambila bantu ayi, “Amwiibaluke bushiku ubu, ubo mbomwakaswa mucishi ca Ijipiti umo momwakalinga basha. Ubu mbobushiku Mwaami Lesa mbwaakamukusha kwiinda munkusu shakwe shiteelekwa acimwi cintu. Pabushiku ubo tamweelete kulya shinkwa.

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jelemiya 22:24

Mwaami Lesa waamba ayi, “Bweenka mbocibete lushinisho ayi ndi muumi, webo Jeoiyakini omwanaakwe Jeoiyakimu mwaami wa bene Juda, nabi kooli ninga ya keshibilo kulyaansa lyangu lyalulyo, naakwiinga ndakukushaako.

Isaya 51:9

NoBaami baLesa, amunyamuke, amunyamuke! Amunyamuke mutupulushe alyaansa lyanu. Amunyamuke bweenka mbomwakalinga kucita kunshiku shakeenda, ee, bweenka mbomwakalinga kucita kuciindi ca mashalane akulukulu. Sa te ndimwe mwakatimboola Laabu shinshimwe ulya mutupanshapansha?

Isaya 49:16

Amubone, liina lyanu ndakalilemba mumapaka angu. Lilinga lya ndabala yanu lili mumeenso angu lyoonse.

Isaya 40:10

Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.

Isaya 27:1

Pabushiku ubo Mwaami Lesa ulaakusebensesha mupeeni wakwe wa nkusu alimwi ucaya, kupa mulandu Lefayatani, cisoka cilipeta cilya. Ee, kucaya shinshimwe wa mulweenge ulya.

Tushimpi 3:21

Omwanaangu kakatila kubusongo amaano akunyumfwisha shintu, utashisuminishi kwaamba ayi shikushiiye.

Tushimpi 1:9

Ceebo kwiisha kwabo kulaakubotesha mibo yako bweenka cisoti mbocikubotesha kumutwi akancetani munshingo.

Kulumbaisha 89:13

Mukono wanu ngwa nkusu, ee, lyaansa lyanu ndiyumu. Lyaansa lyanu lyalulyo lilalumbaishikwa ceebo ca nkusu.

Neyemiya 1:10

“NoBaami baLesa aba mbasebenshi banu alimwi mbantu banu, abo mbomwakafuna kwiinda munkusu shanu shiinji, ee, nkusu shanu shiindaawo.

Dutolonomi 6:6

Kutaluba milawo iyi njeentoomupa sunu.

Lwiimbo lwakwe Solomoni 8:6

Umbiike mbe anga ngukalamatila wa keshibilo kumoyo wako alimwi anga ngukalamatila wa keshibilo kulyaansa lyako. Mukwiinga lusuno lulicite nkusu anga ndufu, ee, lulicite nkusu anga ndufu lwiine. Lulanyaka kuba mulilo unene abuumbi akutenta bweenka butenta mulilo wiine wiine.

Tushimpi 7:23

kushikila lisumo lya pulinkana mulini lyakwe. Wakalingabo anga nkayuni katooya mukakuka cakuteshiba ayi katooya mukuloba.

Kulonga 3:20

Sombi ndaakusebensesha nkusu shangu, alimwi ndaakupa mulandu bene Ijipiti kwiinda mukucita shintu shiloondesha mucishi cabo. Kuswawaawo mwaami ulaakumusuminisha ayi muye.

Kulonga 7:4

teshi akamunyumfwileewo. Lyalo ndaakuleta mapensho anene abuumbi mucishi ca Ijipiti, akutanjilila shipani sha mikowa ya bantu bangu kuswa mucishi ico.

Kulonga 13:14

Munshiku shitoosa na mwanaanu musankwa wamwiipusha ayi, ‘Ino ici cilaambanshi?’ Mukamukumbule ayi, ‘Kwiinda munkusu shakwe shiteelekwa, Mwaami Lesa wakatukusha mucishi ca Ijipiti umo motwakalinga basha.

Kulumbaisha 136:12

Wakabakusha alyaansa lya nkusu alimwi litandabikitwe, ee, mukwiinga lusuno lwakwe ndwamuyayaya.

Isaya 44:5

“Umwi ulaakwaamba ayi, ‘Ndi wa Mwaami Lesa.’ Umwi ulaakuliita ayi wamulunyungu lwakwe Jakobo. Umwi alakwe ulaakulilemba pamukono ayi, ‘Ndi wa Mwaami Lesa’ alimwi ulaakunooliita ayi wamulunyungu lwa bene Isilaeli.”

Kulonga 12:41

Pabushiku myaaka iyo ili myaanda yone amakumi otatwe ndiyakamana, mikowa ya bantu ba Mwaami Lesa yoonse yakaswaamo mucishi ca Ijipiti.

Dutolonomi 5:15

Amwiibaluke ayi mwakalinga basha mucishi ca Ijipiti alimwi ayi nebo neMwaami Lesa, Lesa wanu ndakamufuna kwiinda munkusu shangu shinene. Nceceeco ncendamwaambilila ayi mulame bushiku bwakookesha bwa Cibelu.

Dutolonomi 6:21

Mwebo mukakumbule ayi, ‘Twakalinga basha bakwe Falawo, mwaami wa cishi ca Ijipiti. Ono Mwaami Lesa wakatufuna kwiinda munkusu shakwe shinene.

Boomboloshi 2:12

Bakasuula Mwaami Lesa, Lesa wa bamashali babo bakulukulu uyo wakabakusha mucishi ca Ijipiti. Bakatalika kulambila balesa ba mishobo iyo yakalinga kubashingulukite. Aboobo bakakalasha Mwaami Lesa.

Kulumbaisha 136:11

Lesa wakakusha bene Isilaeli pakati kabo, ee, mukwiinga lusuno lwakwe ndwamuyayaya.

Danyelo 9:15

“NoBaami baLesa, baLesa besu, mwakatondesha nkusu shanu mukukusha bantu banu kuswa mucishi ca Ijipiti. Nkusu shanu isho shiciyeeyekwa asunu. Sombi twakabisha alimwi twakalubisha.