Kulonga 12:48 - Baibo Busansulushi Bwa Libuku Ili

⁴⁸ Sombi taaku musankwa utana kupalulwa ngweenga walyaako. Na muswamashi ngomwikalaakwe utooyanda kulya cakulya ca bushiku bwa Pasika bwakwiibaluka kusotokela ayi alemeke Mwaami Lesa, mulyeelete kutaanguna kupalula basankwa boonse muŋanda yakwe. Kuswawaawo inga waba anga ngumwine Isilaeli, lyalo inga wasekelelaako.

Kulonga 12:48 Referans Kwoze

Shakubelenga 9:14

“Ono na muswamashi ukala pakati kanu ulisuni kulama bushiku bwa Pasika, ulyeelete kulama bushiku ubo kweelana amilawo alimwi amilasho yoonse. Anu milawo iyi yeenka ilikumite kumuntu uli woonse, mwine Isilaeli nabi muswamashi.”

Bene Kolose 3:11

Mubuumi bupya ubu taaku bupusano buliiwo pakati ka baJuda abaswamashi bakunsengwe, bakapalulwa abatana kupalulwa, batacite lushibo, beshinkondo baloondesha, pakati ka basha abaangulukite, sombi cinene nguKlistu mukwiinga lakwe nsheshoonse alimwi uli muboonse.

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.

Esekelo 47:22

ceebo cilaakuba caanu kwalyoonse alyoonse. Baswamashi bashiite pakati kanu abo bacite baana bakashalilwa kokuno, abalo balyeelete kupekwa cipansha ca cishi mwaakunokwaabaanya. Mulyeelete kubacitabo anga abalo mbene Isilaeli beene beene. Mwaakunokuuma cisolo pakwaabana cishi, abalo balyeelete kuumaako ayi bapekweko shipansha sha cishi pantu pomwi abene Isilaeli beene beene.

Kulonga 12:43

Mpomunyaawo Mwaami Lesa wakaambila Mose aAloni ayi, “Milawo ya pabushiku bwa Pasika bwakwiibaluka kusotokela njeeyi, Taaku muswamashi weelete kulya cakulya ca bushiku bwa Pasika.

Kulonga 12:19

Panshiku shili shosanwe ashobilo, tamweelete kucanika cimena mumaandaanu. Uyo woonse weenga walya cicite cimena, nkokwaamba ayi ulaakukushikwa mubantu bangu bene Isilaeli, muswamashi nabi mwine Isilaeli.

Esekelo 44:9

“Ono nebo neMwaami Lesa Shinkusu shoonse ndaamba ayi, ‘Taaku muswamashi utapalwitwe, ee, taaku muntu uyo utanyumfwili ndime, weshi akenjile muŊanda yangu, nabibo keekala pakati ka bene Isilaeli weshi akasuminishikwewo kwinjila.’ ”

Matalikilo 17:12

Kulilabo mwaana musankwa na wakwanisha nshiku shosanwe ashotatwe kubikaako abasha bashalilwa mumaanda anu alimwi abaabo boolwa kubaswamashi balyeelete kupalulwa mbomunya ubo.

Matalikilo 17:11

Kuswa sunu mulyeelete kupalulwa kwaamba ayi cibe citondesho ca cipangano pakati kanu anebo.

Esekelo 14:7

“ ‘Na mwine Isilaeli nabi muswamashi ukala mucishi ca Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule.

Bene Lefi 19:34

Kuli mbabo mucite bweenka mbweenga mwaciita kumwine Isilaelinyinaanu, akubasuna bweenka mbomulisuni nobeene. Kamwiibaluka ayi amwebo mwakalinga baswamashi mucishi ca Ijipiti. Nebo ndime Mwaami Lesa, Lesa wanu.