Kulonga 12:3 - Baibo Busansulushi Bwa Libuku Ili

³ Bene Isilaeli boonse mulyeelete kubalwiita ayi pabushiku bwalikumi mumweenshi uno, musankwa woonse paŋanda yakwe ulyeelete kusala mwanaambelele wakulya abamuŋanda yakwe.

Kulonga 12:3 Referans Kwoze

1 Bene Kolinto 5:7

Mulyeelete kukusha cimena ca kale kale ca shibiibi kwaamba ayi mube bantu basalalite cakumaninina. Lyalo mutooba anga ngumulwi upya utacite cimena alimwi mboonshi kwaamba ayi mbomubete ubo. Ceebo Klistu mwanaambelele wesu wa Pasika, wa bushiku bwakwiibaluka kusotokela, wakacaikwa kale.

Joni 1:29

Mpeeke bushiku bwakaboolaawo Joni wakabona Jesu keesa kuli nguwe. Lyalo wakoolobesha ayi, “Amubone Mwanaambelele wakwe Lesa uyo ukusha shibiibi sha bantu ba mucishi coonse ca panshi!

Bene Lefi 5:6

Ono mulandu wakubisha kwakwe, ulyeelete kuleta mbelele yanakashi nabi mpongo kuli ndime neMwaami Lesa ayi ngumulambu. Mupailishi ulaakubenga mulambu uyo pacibiibi ca muntu uyo.

Bene Lefi 1:2

“Lwiita bene Isilaeli ayi na umwi muntu wabenga mulambu, ulyeelete kuba mulambu wakaswa mulitanga lya ŋombe, mbelele nabi mpongo shakwe.

Joni 12:12

Mpeeke bushiku bwakaboolaawo, bantu baanji baanji bakaya mukusekelela bushiku bwa Pasika bwa kwiibaluka kusotokela, bakanyumfwa ayi Jesu utoosa kuJelusalemu.

Joni 1:36

Ndyaakabona Jesu kaainda, wakaamba ayi, “Amubone, ngulya Mwanaambelele wakwe Lesa!”

2 Makani 35:7

Mwaami Josiya wakapa bantu mbelele, bana ba mbelele atwana twa mpongo ayi njimilambu ya bushiku bwa Pasika. Shifubwa isho shoonse shakalinga 30,000. Wakabapa abacende bakalinga 3,000. Ishi shoonse shakaswa pabuboni bwakwe Josiya.

Shakubelenga 15:11

“Nkokwaamba ayi ishi nsheshi shikanoopekwa pamucende womwi, mbelele isankwa yomwi, mwanaambelele nabi mpongo.

Kulonga 12:6

Ono pabushiku bwalikumi ashone mumweenshi ngomunya uno macolesha, bene Isilaeli boonse balyeelete kucaya banyama abo.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Kulonga 4:30

Aloni wakabalwiita shoonse Mwaami Lesa nshaakaambila Mose, alakwe Mose wakacita shaankamiko shoonse pameenso a bantu boonse.

Matalikilo 22:8

Abulaamu wakakumbula ayi, “Lesa mwiine ulatupa.” Mpeeke kabayabo.

Matalikilo 4:4

Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

1 Samwelo 7:9

Samwelo wakacaya mwanaambelele akumutenta kaalibo wakabumbulu ayi ngumulambu kuMwaami Lesa. Lyalo wakapaila kuMwaami Lesa ayi acafwe bene Isilaeli. Mpeeke Mwaami Lesa wakakumbula kupaila kwabo.

Joshuwa 7:14

Bwaakuca macuunsa bakese kunembo lyangu mukowa amukowa. Mukowa nebo neMwaami Lesa ngweshi nkasaale, ulyeelete kwisa cipani acipani. Cipani acalo nceshi nkasaale, cilyeelete kwisa ŋanda aŋanda. Ono ŋanda iyo nebo neMwaami Lesa njeshi nkasaale, ilyeelete kwisa muntu amuntu.

Kulonga 20:19

Lyalo bakaambila Mose ayi, “Twaambilebo webo weenka, tutoonyumfwa. Tutooloonda ayi na Lesa aambe aswebo, tutoofwa.”

Kulonga 14:15

Mpomunyaawo Mwaami Lesa wakaambila Mose ayi, “Ceebonshi mutoolilila ndime? Balwiite bene Isilaeli banooyabo kunembo.

Joni 12:1

Ndikwakacaala nshiku shosanwe abomwi kwaamba ayi bushiku bwa Pasika bwakwiibaluka kusotokela bushike, Jesu wakashika kuBetani kwakalinga kwikala Lasalo uyo ngwaakabusha kuswa kubafu.

Kulonga 12:2

“Uno mweenshi ulyeelete kuba ngomweenshi wakutaanguna mumwaaka kuli ndimwe.

Kulonga 12:4

Na paŋanda yakwe mbaniini cakwaamba ayi inga baalilwa kulya mwanaambelele woonse wakabumbulu, bamuŋanda yakwe alimwi abamuŋanda ya shikamukobonyina balyeelete kwabaana mwanaambelele womwi. Sombi balyeelete kubona kufula kwa bantu alimwi anyama njeenga muntu womwi walya.

Kulonga 12:21

Mpomunyaawo Mose wakeeta bamatanjilili boonse bene Isilaeli akubaambila ayi, “Noonse womwi awomwi mulyeelete kusala mwanaambelele akumucaya, kwaamba ayi bamumaandaanu basekelele bushiku bwa Pasika bwa kwiibaluka kusotokela.

Esekelo 40:1

Mumwaaka wamakumi obilo amyaaka yosanwe wa busha bwesu, pabushiku bwalikumi bwa mweenshi wakutaanguna mumwaaka, mumwaaka walikumi ayone ndabala ya Jelusalemu ndiyakawa, nkusu sha Mwaami Lesa shakanselukila akuntola.