Kulonga 12:25 - Baibo Busansulushi Bwa Libuku Ili

²⁵ Na mukashike mucishi ico Mwaami Lesa ncaakamushomesha kumupa, mulyeelete kunoosekelela kweelana ambondamulwiita.

Kulonga 12:25 Referans Kwoze

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Dutolonomi 4:5

“Ndamwiisha milasho amilawo yoonse, bweenka Mwaami Lesa mbwaakandwiita ayi ncite. Mukanooikonkela mucishi ico ncemuli pafwaafwi kulwana akucibwesa.

Kulonga 12:24

Mwebo abamulunyungu lwanu mulyeelete kukonkela milawo iyi lyoonsebo.

Kulonga 12:26

Ono na bana banu bamwiipusha ayi, ‘Ino kusekelela uku nkwanshi?’

Kulonga 13:5

Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse.

Kulonga 13:10

Kamusekelela lyoonse paciindi ncemwalwiitwa mumwaaka.