Kulonga 11:6 - Baibo Busansulushi Bwa Libuku Ili

⁶ Mucishi ca Ijipiti coonse mulaakuba kulila kunene abuumbi, uko kutana kubonekaawo kuswabo kalekale, alimwi teshi kukabonekeewo.

Kulonga 11:6 Referans Kwoze

Kulonga 12:30

Pabushiku ubo mbomunya mashiku mwaami Falawo, bacinenenene bakwe alimwi abene Ijipiti boonse bakabushikwa. Mwakalinga kulila kunene abuumbi mucishi coonse ca Ijipiti mukwiinga tekwakalinga ŋanda nabi yomwi umo mwatakalinga mwaana musankwa ufwite.

Amosi 5:17

Mumyuunda ya minyansa moonse mulaakuba kulila mukwiinga ndaakwisa mukumupa mulandu. Nebo neMwaami Lesa ndaamba.”

Luka 13:28

Ono mulaakulila akulumanya meeno mwaakubona Abulaamu, Isaki, Jakobo alimwi abalaluki bakulukulu boonse kabali muBweene bwakwe Lesa, sombi mwebo kamuli pansengwe!

Sefaniya 1:10

Mwaami Lesa waamba ayi, “Pabushiku ubo mulaakunyumfwa kulila kuMwinjililo waNswi mundabala ya Jelusalemu. Mulaakunyumfwa mibila kucipansha cipya ca ndabala inene iyo alimwi amulukutu wakuwa kuswa kutulundu.

Malilo 3:8

Nabi njite nabi kulila ayi ancaafwe, Lesa taankutikiiwo, sobwe.

Jelemiya 31:15

Mwaami Lesa waamba ayi “Liswi lyanyumfwika muLama, kooloma kwa mibila. Lakelo utoolila bana bakwe wakaka akuumushikwa mukwiinga bafwa.”

Isaya 15:8

Kooloma kwabo kutoonyumfwika mumanyinsa oonse a Moabu, mibila yabo kuEgilaimu balishiiteemobo, ncakwiila kulila kwabo kulinyumfwikite akuBiya Elimu.

Tushimpi 21:13

Na muntu wacala matwi akwe ayi atanyumfwi kulila kwa mukandu, alakwe aakulila lucafwo, taaku beshi bakamukumbule.

Kulonga 3:7

Lyalo Mwaami Lesa wakaamba ayi, “Ncakwiila ndaboona mbuli bantu bangu mbobatoopenshekwa mucishi ca Ijipiti. Ndanyuumfwa kulila kwabo ceebo ca beshikubasebensesha. Kupenshekwa kwabo koonse ndikubwene.

Kulonga 11:7

Sombi balo bene Isilaeli alimwi ashifubwa shabo teshi shikakuwikweewo kabwa nabi womwi. Lyalo mulaakwishiba ayi nebo neMwaami Lesa ndakabika bupusano pakati ka bene Ijipiti alimwi abene Isilaeli.’ ”

Kulonga 9:18

Aboobo paciindi ceenka cino ciilo, ndaakuleta mfula ya mabwe inene abuumbi, iyo itana kulokaawo mucishi ca Ijipiti.

Isaya 19:16

Ciindi cilaakushikila bene Ijipiti ndyeshi bakabe boowa anga mbanakashi. Balaakututuma kuboowa baakubona ayi ndyaansa lya Mwaami Lesa Shinkusu shoonse lyabaletela mapensho.