Kulonga 10:6 - Baibo Busansulushi Bwa Libuku Ili

⁶ Nsoshi isho shilaakukumanabo maandaako a bwaami oonse, maanda a bacinenenene bako boonse alimwi amaanda a bantu boonse bamucishi cako. Shilaakukankamika citana kubonaawo abamashali banu bakulukulu.’ ” Kuswawaawo Mose aAloni bakapiluluka akuswaako kuli Falawo.

Kulonga 10:6 Referans Kwoze

Kulonga 8:21

Sombi na ukake, ntookulwiitilabo limwi ayi ndaakukupensha kwiinda mukutuma baloonshi pali ndiwe, bacinenenene bako, bantu ba mucishi cako amumaandaanu. Ncakwiila maandaanu oonse nobene Ijipiti alaakwisulabo baloonshi alimwi apanshi poonse.

Kulonga 8:3

Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa.

Bene Ebulu 11:27

Ndushomo lwakalengesha ayi Mose aswe muIjipiti, cakutaloonda bukali bwa mwaami. Cakalingabo anga wakabona Lesa utaboneki, akumulengesha ayi atabooli pesule.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Kulonga 11:8

Mose wakalwiita mwaami Falawo maswi akweelaako ayi, “Bacinenenene bako boonse balaakwisa kuli ndime akumfukamina alimwi akunkombelela ayi nkushe bantu bangu mucishi ca Ijipiti. Kuswawaawo anebo ndaakuya.” Ndyaakamana kwaamba boobo Mose wakaswa kumwaami Falawo kaashimbite kubukali.

Kulonga 11:6

Mucishi ca Ijipiti coonse mulaakuba kulila kunene abuumbi, uko kutana kubonekaawo kuswabo kalekale, alimwi teshi kukabonekeewo.

Kulonga 10:11

Ndakaasha! Na mboboobo, kutooyabo basankwa bamanene mukulambila Mwaami Lesa.” Kuswawaawo Mose aAloni bakakushikwa kumwaami Falawo.

Kulonga 9:24

mfula ya mabwe inene abuumbi alimwi akubeka kwakakumanabo cishi coonse. Imfula iyo yakakomena abuumbi kwiinda mfula shoonse shakalinga kuloka mucishi ca Ijipiti.

Jowelo 2:9

Cilacica kuya pandabala inene, akucicila palubumbu lwa njiyo. Cilatanta kumaanda akwinjilila pambwelyo bweenka bucita beepi.

Kulonga 9:18

Aboobo paciindi ceenka cino ciilo, ndaakuleta mfula ya mabwe inene abuumbi, iyo itana kulokaawo mucishi ca Ijipiti.