Kulonga 10:21 - Baibo Busansulushi Bwa Libuku Ili

²¹ Mpeeke Mwaami Lesa wakaambila Mose ayi, “Tandabika lyaansa lyako mwiculu, kwaamba ayi mucishi coonse ca Ijipiti mube munshinshe ulemu.”

Kulonga 10:21 Referans Kwoze

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

2 Pita 2:17

Bantu aba bali anga ntuntupu tutacite maanshi alimwi anga ngushikunku utolaanishikwabo amuuwo. Lesa wakababambila musena ushiyabo mbi.

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Luka 23:44

Ono lisuba ndilyakashika pakati kamutwi, kwakaba munshinshe koonse kushikila 3 koloko, malumwi.

Maako 15:33

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

Mateyo 27:45

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Kulumbaisha 105:28

Wakaleta munshinshe pali mbabo akubalubya. Nakubi boobo bene Ijipiti tabakwe kucita kweelana amaswi akwe.

Dutolonomi 28:29

Mwebo mulaakunooshibashiba anga ngumoofu lumwilubala. Mulaakunookwaalilwa kwishiba nkomutooya alimwi teshi mukaswitilile mushintu shoonse nsheshi mukanoocita. Lyoonse mulaakunoonyengelelwa alimwi akwiipilwa, sombi taaku eshi akamufuune.

Kulonga 9:22

Mpomunyaawo Mwaami Lesa wakaambila Mose ayi, “Tambika lyaansa lyako kwiculu, lyalo mfula ya mabwe itooloka mucishi coonse ca Ijipiti. Itoolokela bantu, shifubwa alimwi ashishango shoonse shili mumyuunda.”

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

Shikushimikila 6:4

Kafunga kaleendililabo mumunshinshe. Uko kalaya mukulubwa.

Shikushimikila 2:14

Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Kulumbaisha 78:49

Lesa wakabatondesha bukali buyoosha, bukali bumwibo, kufutatika moyo alupato isho shakesa pali mbabo anga ndikoto lya baanjelo beshikunyonyoola.

Kulumbaisha 35:6

Nshila yabo ibe ya munshinshe alimwi yabuteshi, munjelo wanu noBaami baLesa atalike kubacaya.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.

Kulonga 7:19

Mpomunyaawo Mwaami Lesa wakaambila Mose ayi, “Ambila Aloni anyamune nkoli yakwe akwiitandabika pamilonga yoonse, tulonga twakupanga alimwi amyaala yoonse muIjipiti. Maanshi oonse atokwaaluka bulowa, alimwi mucishi coonse mutooba bulowa, amumankubala alimwi amunongo sha mabwe shoonse.”

Esekelo 32:7

Bushiku ubo mbweshi nkakunyonyoole, ndaakufwekelesha liculu akushimya nyenyeenshi. Lisuba ndaakulifwekelesha alikumbi awalo mweenshi teshi ukapeewo mumuni wa nguwo.

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Dutolonomi 4:34

Sa kuliiwo lesa wakayeeyaawo kuya mukubwesa bantu kuswa pakati ka mushobo umwi akubaalula kuba bantu bakwe mbuli bwakamucita Mwaami Lesa, Lesa wanu muIjipiti? Mumeenso anu wakasebensesha nkusu shakwe shinene. Wakaletela bene Ijipiti myaalu ankoondo, wakacita shaankamiko ashitondesho sha nkusu sha kwiculu alimwi akulengesha shintu shiyoosha kucitika.

Jobo 5:14

Balaba mumunshinshe ciindi ca malumwi akutalika kupampanshapampansha anga ndimashiku.