Kulonga 10:13 - Baibo Busansulushi Bwa Libuku Ili

¹³ Aboobo Mose wakatandabika nkoli yakwe pacishi ca Ijipiti. Mpeeke Mwaami Lesa wakalengesha kwaamba ayi muuwo wakwicwe utalike kupuupila cishi ico malumwi alimwi amashiku oonse. Ndibwakaca, muuwo uyo wakaleta nsoshi.

Kulonga 10:13 Referans Kwoze

Mateyo 8:27

Lyalo bashikwiiya boonse bakakankamana akwaamba ayi, “Anu ngumuntu mushobonshi uyu, cakwaamba ayi cipuupu amaaba shoonse shilamunyumfwila?”

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”

Jona 1:4

Mpeeke Mwaami Lesa wakatuma cipuupu cinene palweenge. Lyalo kwakaba maaba ayoosha cakwaamba ayi bwaato bwakalinga kusuni kupasuka.

Kulumbaisha 148:8

Amumulumbaishe mwebo nokubeka kwa mfula, nomfula ya mabwe, nocaandwa, nomakumbi alimwi anomyuuwo iyoosha inyumfwila milawo yakwe.

Kulumbaisha 105:34

Wakaambabo liswi, lyalo nsoshi shiinji shakesa, ncakwiila nsoshi shitabelengeki.

Kulumbaisha 78:26

Wakalengesha muuwo wa kwicwe kupuupa, munkusu shakwe wakaleta muuwo kuswa kumalenge.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Matalikilo 41:6

Mpeeke amwi ali osanwe aobilo akasapuka. Ono alo ayo akalinga aniini alimwi anyanite kumuuwo wa muluyanga,

Kulumbaisha 78:46

Lesa wakatuma nsoshi ayi shilye shishango shabo. Wakatuma cisoshi ayi cinyonyoole myuunda yabo.

Tushimpi 30:27

Cisoshi tacicite mwaami, sombi cileenda anga ndikoto lya bashilumamba.