Jowelo 3:7 - Baibo Busansulushi Bwa Libuku Ili

⁷ Ono bulya ntoobaleta kuswa mumisena umo momwakaboolisha. Ndaakucita kuli ndimwe bweenka mbomwakabacitila.

Jowelo 3:7 Referans Kwoze

Jelemiya 23:8

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi ca kumatwa amushishi shimwi shoonse nshaakabatandilaamo.’ Lyalo balaakwikala mucishi cabo beene.”

2 Bene Tesalonika 1:6

Lesa ulaakucita ncaaelete kucita mukwiinga ulaakulengesha kupenga abo bamupensha

Jelemiya 30:16

“Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Ciyubululo 19:2

Koombolosha kwakwe nkwalushinisho alimwi kuliluleme! Wakapa mulandu mwanakashi mufuule uyo wakaya mpuwo uyo wakalengesha ayi bantu boonse mucishi babishe kwiinda mubufuule bwakwe. Lesa wakamupa mulandu ceebo wakacaya basebenshi bakwe.”

Ciyubululo 16:6

Mukwiinga bantu bakatila bulowa bwa bashomi alimwi abalaluki bakulukulu, nceceeco ncemwabapeta bulowa ayi banwe. Cilibo kabotu ceebo batambula cibeelete!”

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Jowelo 3:4

“Ono mwebo nobene Taya, bene Sidoni amwebo nobamushishi shoonse sha bene Filisiti mutooyanda kuncitila buyani? Sa mulisuni kumbooshesha cishole ceebo ca cintu cimwi ncendakamucitila? Na mbomutooyanda kucita ubo, ndaakuboosha cishole pali ndimwe cakufwambaana!

Esekelo 38:8

Paakwiinda nshiku shiinji mulaakwiitwa kuya kunkondo. Mumyaaka itoosa mulaakuya mukulwana cishi ca bantu batokookesha kuswa kunkondo. Ico ncishi ca bantu bakabunganishikwa kuswa pakati ka mishobo iinji kuya kutulundu twa Isilaeli uto twatalinga kucite bantu kwaciindi cilaamfu. Bantu aba bakakushikwa pakati ka mishobo imwi, bulya boonse balishiite kwakubula cakulisukama.

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 31:8

Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.

Isaya 49:12

Bantu bangu balaakuswa kumisena ili kulaale. Bamwi balaakuswa kumatwa, bamwi kumbo, bamwi balaakuswa kuAswani kumalenge.”

Isaya 11:12

Mwaami Lesa ulaakwiimika mbembela yakwe kutondesha mishobo imwi yoonse ayi utooyobolola cipya bantu bakwe bene Isilaeli abene Juda. Ee, kuyobolola baabo bapalangene kuswa mumbasu shoonse shone sha cishi ca panshi.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

1 Samwelo 15:33

Sombi Samwelo wakaamba ayi, “Ono bweenka mupeeni wako mbowakalengesha balutundu bamwi kufwitwa baana, mbweeke ubo banyoko mbweshi bafwitwe mwaana pakati ka balutundunyinaabo.” Lyalo Samwelo wakatimboolatimboola Agagi kunembo lya cipaililo ca Mwaami Lesa kuGilugala.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Isaya 66:6

Amunyumfwe ciyobeyobe ico cili mundabala inene, amunyumfwe coongo citooswa muŊanda yangu. Ico ncoongo cangu nebo neMwaami Lesa ntooboosha shishole kubalwani bangu boonse kweelana ambobeelete.

Sekaliya 9:13

Ndaakusebensesha bene Juda anga mbuta bwa shilumamba akusebensesha bene Isilaeli anga njemifwi. Balo bene Siyoni mbweshi nkasebenseshe anga ngumupeeni pakulwana bashilumamba bene Gilisi.”