Jowelo 2:21 - Baibo Busansulushi Bwa Libuku Ili

²¹ Webo ocishi utaloondi. Kondwa akusangalala mukwiinga Mwaami Lesa wakucitila shintu shikankamika.

Jowelo 2:21 Referans Kwoze

Isaya 54:4

“Utaloondi napaceyi, teshi ukalenshekwewo nsoni. Teshi ukasebaanishikwewo tubili. Ulaakuluba shintu shakakulengawo nsoni koocilibo cikula bwangu. Musebaanyo wa bumukalubinje uyo uli pali ndiwe ulaakumana.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Jelemiya 33:3

“Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Isaya 35:1

Luyanga lulaakusangalala alyalo liwesa lilaakusangalala akusapula maluba.

1 Samwelo 12:16

Aboobo amulindile mubone cintu cinene abuumbi ico Mwaami Lesa ncaatooyanda kucita.

Sekaliya 8:15

mbweeke ubo ndishinishite kupa shoolwe bene Jelusalemu abene Juda bulya. Aboobo mutaloondi.

Jowelo 2:20

Ndaakutandaanya cisoshi cakaswa kumatwa kuya kulaale amwebo. Ndaakucitandaanya kuya muluyanga. Mindando yakunembo ya ncico ilaakutandilwa muLweenge lwa Mwiinyo. Ayalo mindando yakwisule ilaakutandilwa muLweenge lwa Mediteleniyani. Cilaakubola akununka abuumbi.” Ncakwiila Mwaami Lesa wakacita shintu shikankamika.

1 Samwelo 12:24

Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.

Dutolonomi 4:32

“Ono amuyeeye kukalekale, ciindi mwebo kamutana kushalwa, kuyabo akuciindi Lesa ndyaakalenga muntu pacishi ca panshi. Muyeeye cishi ca panshi coonse. Sa kuliiwo cintu cinene cakacitikawo kale mbuli ceeci? Sa kuliiwo muntu wakanyumfwaawo cintu ca mushobo uyu?

Kulumbaisha 98:8

Maaba a mumulonga aaumane mukulumbaisha Lesa, tulundu atwalo atwiimbe pantu pomwi cakusangalala

Matalikilo 15:1

Kuswawaawo Abulamu wakanyumfwa Mwaami Lesa kaamba kuli nguwe anga muciloto ayi, “Utaloondi Abulamu, ntookulama kucintu cili coonse ceenga canyonyoola buumi bwako akukupa cilambu cinene abuumbi.”

Osiya 2:21

“Pabushiku ubo ndaakukumbula kupaila kwako. Ndaakulengesha mfula kuloka pacishi ca panshi.

Isaya 44:23

Amwiimbe nyimbo shakusangalala noliculu ceebo Mwaami Lesa ngowacita boobo. Amwiimbe cakoolobesha nocishi ca panshi. Amwebo notulundu, nomisaansa ashisamu shoonse amwiimbe. Ceebo Mwaami Lesa ngowalubula bamulunyungu lwakwe Jakobo. Ncakwiila Mwaami Lesa ngowatondesha bulemu mbwaacite muIsilaeli.

Isaya 55:12

“Aboobo mulaakuswa muBabiloni kamusangalete. Mulaakutanjililwa akuswaamo caluumuno. Tulundu tunene atuniini tulaakutalika kwiimba. Ashalo shisamu shilaakoolobesha cakusangalala.

Kulumbaisha 71:19

Bululami bwanu nobaLesa bulashika akwiculu. Mwakacita shintu shinene abuumbi. Taaku uli mbuli ndimwe nobaLesa.

Jowelo 2:26

Mulaakulya shiinji akukuta. Ncakwiila mulaakunumbaisha nebo neMwaami Lesa, Lesa wanu uyo wakamucitila shintu shikankamika. Mwebo nobantu bangu teshi mukasebaanishikweewo tubili.