Jowelo 2:20 - Baibo Busansulushi Bwa Libuku Ili

²⁰ Ndaakutandaanya cisoshi cakaswa kumatwa kuya kulaale amwebo. Ndaakucitandaanya kuya muluyanga. Mindando yakunembo ya ncico ilaakutandilwa muLweenge lwa Mwiinyo. Ayalo mindando yakwisule ilaakutandilwa muLweenge lwa Mediteleniyani. Cilaakubola akununka abuumbi.” Ncakwiila Mwaami Lesa wakacita shintu shikankamika.

Jowelo 2:20 Referans Kwoze

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Amosi 4:10

“Ndakatuma myaalu pakati kanu bweenka mbondakatumina bene Ijipiti. Ndakacaya bacikula bwangu banu basankwa kunkondo pantu pomwi amaaki ayo ngomwakasaala. Ndakalengesha keema kabiibi ka mituntu mumisumba yanu. Sombi mwebo tamukwe kusandukilawo kuli ndime. Nebo neMwaami Lesa ndaamba.

Isaya 34:3

Bantu babo beshi bakacaikwe balaakusowekwabo, mituntu yabo ilaakunoonunka cilensha bunya. Tulundu tulaakubabo lololo kubulowa bwabo.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Esekelo 47:18

“Nyinsa yakwicwe ilaakululama kumalenge kutalikila pakati ka cishi ca Damasikasi aca Aulani uko Mulonga wa Joodani nkweshi ukabe nyinsa ya cishi ca Isilaeli acishi ca Gilyadi kuya mukushika kundabala ya Tama ili kuLweenge lwa Mwiinyo.

Kulonga 10:19

Alakwe Lesa wakaalula muuwo wakwicwe kuba muuwo wakumbo uyo wakapupa cankusu akutola nsoshi shoonse muLweenge Lusalala. Anu taaku nsoshi nabi yomwi yakacaala mucishi ca Ijipiti.

2 Baami 8:13

Mpomunyaawo Asayelo wakeepusha ayi, “Ino nebo nekabwabo inga nkusu ndashicana kuli?” Elisha wakakumbula ayi, “Mwaami Lesa wanjubulwita ayi webo ulaakuba mwaami wa bene Silya.”

Kulonga 8:14

Bene Ijipiti bakabunjika babombwe abo bakafwa mumilwimilwi. Mpeeke cishi coonse cakanunkabo nununu kubabombwe.

Kulumbaisha 126:3

Ncakwiila Mwaami Lesa watucitila shintu shinene, aboobo tulisangalete abuumbi.

Malaki 3:11

Teshi nkasuminishe shilongolo kulya shishango shanu alimwi minyansa teshi ikapukumuke kushisamu sha njiyo.