Jowelo 2:11 - Baibo Busansulushi Bwa Libuku Ili

¹¹ Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jowelo 2:11 Referans Kwoze

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Ciyubululo 18:8

Paceebo ceeco, mubushiku bomwibo, ulaakupolelwa myaalu iyi, malwashi, buumba alimwi ansala. Ulaakutentwa mumulilo mukwiinga Mwaami Lesa umoombolosha ulicite nkusu shiinji.”

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”

Jowelo 3:16

Mwaami Lesa ulaakubuluma kuKalundu ka Siyoni akululuma kuswa kundabala inene ya Jelusalemu. Lyalo cishi ca panshi aliculu shilaakutenkaana. Sombi Mwaami Lesa ulaakuba ciyubilo ca bantu bakwe, ee, ulaakufuna bantu bakwe bene Isilaeli.

Jelemiya 30:7

Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Kulumbaisha 46:6

Bamumishobo imwi baliloondete abuumbi, bweene bomwi abomwi bwatenkaana. Lesa ulalulumabo, lyalo cishi ca panshi cilasunguluka.

Amosi 5:20

Bushiku bwa Mwaami Lesa bulaakuba bwa munshinshe, buteshi bwa mumuni nauceyi. Kulaakuboolabo mbi kutabonaawo mumuni, sobwe.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Jelemiya 50:34

Nakubi boobo nebo neShikubalubula ndicite nkusu. Mwaami Lesa Shinkusu shoonse ndyeliina lyangu. Ndushinisho ndaakubafuna akuleta luumuno mucishi cabo. Sombi ndaakumana luumuno pabaabo bekala muBabiloni.”

Isaya 42:13

Mwaami Lesa ulaya kunkondo mbuli muntu ucibwene kulwana. Ulalikalasha akulibambila kulwana bweenka bucita shilumamba mwiine mwiine. Ulaakoolobesha kutondesha ayi nkondo yatalika, ndushinisho ulaakukoma balwani bakwe.

Isaya 13:4

Amunyumfwe ciyobeyobe patulundu, ciyobeyobe cili anga nca bantu baanji! Amunyumfwe coongo ca shimfulunganya pakati ka malelo, coongo cili anga nca bantu ba mushishi shiinji babungana. Mwaami Lesa Shinkusu shoonse mwiine ngowabunganya bashilumamba bakwe ayi baye kunkondo.

Shakubelenga 24:23

Balaamu wakalaluka alimwi ayi, “Ino bantu aba batoobungana kumatwa mbaani?

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jelemiya 25:30

“Ono webo Jelemiya ubasansulwite makani aya woonse akwaamba ayi, ‘Mwaami Lesa ulaakululuma kwiculu, Ulaakukalooka kumusena wakwe usalalite. Ulaakubulumina bantu bakwe. Ulaakoolobesha cankusu anga mbantu abo batyana minyansa, ee, koolobeshesha boonse bekala mucishi ca panshi.

Amosi 5:18

Mapensho kuli ndimwe nomutookumbwa kubona bushiku bwa Mwaami Lesa. Ceebonshi mulakumbwa kubona bushiku ubo? Bushiku ubo bulaakuba bwa munshinshe, kuteshi bwa mumuni.

Amosi 1:2

Amosi wakaamba ayi, “Mwaami Lesa utoobuluma kuKalundu ka Siyoni akululuma kundabala inene ya Jelusalemu. Mafulo amana kuyuma. Bwiisu bwa peculu paKalundu ka Kamelo bwayuma.”

Jowelo 2:25

Mwaami Lesa waamba ayi, “Ndaakumulipila pashoonse shakalikwa kunsoshi. Nkokwaamba ayi shakalikwa kunsoshi shinene atwana twa nshisho, nsoshi shimwibo akucisoshi. Shoonse ishi shakalinga anga ndikoto lyangu lya bashilumamba ndyendakatuma.

Esekelo 22:14

Sa ulaakunoocicite nkusu nabi kuba ankusu shakusebensesha maansaako bushiku mbweshi nkakulwaane? Nebo neMwaami Lesa ndaamba alimwi ndaakucicita.

Isaya 7:18

“Bushiku ubo bwaakushikila, Mwaami Lesa ulaakulishila muloshi bene Ijipiti ayi bese kuswa kweela mulonga wa Nailo anga mbaloonshi, abalo bene Asilya ayi bese anga ninsuki.

1 Bene Tesalonika 4:16

Bantu balaakunyumfwa koolobesha kunene, liswi lya munjelo munene alupeenga lwakwe Lesa. Lyalo Mwaami Jesu ulaakuswa kwiculu kwisa panshi. Mpeeke abo bakafwa kabashoma muli Jesu Klistu balaakutaanguna kubuka kuswa kubafu.

Jowelo 1:6

Cisoshi calwana cishi cesu anga ndikoto lya bashilumamba. Ncakwiila anga mbashilumamba bacite nkusu alimwi baanji cakutabelengeka. Meeno a ncico alikoletebo anga nga nkalamu.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jowelo 2:2

Bushiku ubo mbwa munshinshe alimwi mbwa buumba, bushiku bushiya mbi alimwi bwa makumbi alemu. Bweenka makumbi mbwaafwekelesha cishi kuswa kwicwe, mbweeke ubo cisoshi cinene citoosa pacishi. Cisoshi ico tacikwe kubonekaawo kale kuswabo kukalekale alimwi teshi cikabonekeewo tubili munshiku shitoosa.

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Obadiya 1:15

“Bushiku buli pafwaafwi ubo nebo neMwaami Lesa, mbweshi nkoomboloshe mishobo yoonse. Sheenka nshemwakacita kubamwi nobene Edomu, ntoomulwiita ayi shilaakucitika akuli ndimwe. Micito yanu ibiibi ilaakumuboolela.

Kulumbaisha 18:14

Wakawaala mifwi yakwe akupalanganya balwani bakwe. Kwiinda mukubeka kwa mfula kunene uko wakabalengesha kucica.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.