Joshuwa 8:2 - Baibo Busansulushi Bwa Libuku Ili

² Mucite kundabala ya Ai alimwi amwaami wa njiyo, bweenka mbomwakacita ndabala ya Jeliko amwaami wa njiyo. Sombi lweendo luno shintu shoonse alimwi ashifubwa shabo, mukabwese ayi nshinenu. Mulibambile kulwana ndabala inene iyi kuswa kwisule cakuteshiba boonse.”

Joshuwa 8:2 Referans Kwoze

Dutolonomi 20:14

Ono banakashi, baana, shifubwa alimwi ashintu shoonse sheenga kashiliimo inga mwatoola. Mulakonsha kusebensesha shintu shoonse sha balwani banu ceebo Mwaami Lesa, Lesa wanu wamupa.

Tushimpi 13:22

Muntu ululeme ulashiila bamulunyungu lwakwe buboni bwakwe, sombi buboni bwa mucita shibi bulaya kubaluleme.

2 Makani 20:22

Mpeeke ndibakatalika kwiimba, Mwaami Lesa wakalengesha shimfulunganya pakati ka bashilumamba bene Amoni, bene Moabu abene Edomu, aboobo bakakomwa.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Tushimpi 28:20

Muntu ushomeka ulaakupekwa coolwe cinene abuumbi, sombi uyo usuni kubila cakufwambaana, ulaakupekwa mulandu.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

2 Makani 13:13

Lyalo Jeloboamu wakatuma bashilumamba ayi bamwi balwane bene Juda kwisule, bamwi kunembo lyabo.

Joshuwa 10:28

Pabushiku ubo Joshuwa wakabwesa ndabala inene ya Makeda. Wakacaya bantu boonse bakalinga kwikalaamo. Taaku nabi womwi wakacaala kaali muumi. Mpeeke wakacita mwaami wa ndabala ya Makeda bweenka mbwaakacita mwaami wa kuJeliko.

Joshuwa 10:1

Mpomunyaawo Adonisedeki mwaami wa kuJelusalemu wakanyumfwa ayi Joshuwa wakabwesa ndabala inene ya Ai akwiinyonyoola abuumbi, akucita ndabala iyo alimwi amwaami wa njiyo bweenka mbwaakacita ndabala inene ya Jeliko alimwi amwaami wa njiyo. Wakanyumfwa alimwi ayi bene Gibyoni bakapanga cipangano ca luumuno abene Isilaeli alimwi ayi balekala pafwaafwi ambabo.

Joshuwa 8:24

Ono bene Isilaeli ndibakamana kucaya bene Ai abo mbobakalinga bashisha muluyanga, bakaboola akuya mukucaya baabo bakalinga mundabala, kushikila boonse mipeeni yeelaawo.

Joshuwa 8:19

Ndyaakamana kucita boobo, bashilumamba bakalinga kuyubite kwisule bakafwambaana kunyamuka kuswa mumisena yabo akucicila kunembo. Bakeendililabo kwinjila mundabala inene iyo, beebwesa akwiitenta.

Joshuwa 8:14

Ono mwaami wa kuAi ndyaakabona bashilumamba bakwe Joshuwa, lakwe alimwi abashilumamba boonse ba mundabala iyo bakafumabo kuya mukukumana abene Isilaeli ayi balwane pamusena uli pafwaafwi acinyika. Sombi taakalinga kwishi ayi bamubelamina kwisule lya ndabala.

Joshuwa 8:12

Joshuwa wakabwesa bashilumamba bakalinga mpashi 5,000 akubashisa kababelaminina kumbo lya ndabala, pakati ka ndabala ya Betelo andabala njemunya ya Ai.

Joshuwa 8:9

Kuswawaawo Joshuwa wakabapalanganya akuya kooko nkobakalinga kweelete kubelaminina, kumbo lya Ai pakati ka ndabala ya Ai alimwi aya Betelo. Sombi pabushiku ubo Joshuwa wakalingabo mumisumba abashilumamba bakwe.

Joshuwa 8:7

mwebo mulyeelete kuyubuluka akubwesa ndabala. Mwaami Lesa, Lesa wanu utooyaaba mumaansaanu.

Dutolonomi 3:2

Sombi Mwaami Lesa wakaŋambila ayi ‘Utamuloondi. Ntoomwaaba mumaansaako pantu pomwi abashilumamba bakwe boonse alimwi acishi cakwe. Cita bweenka mbowakacita kuli Sioni mwaami wa bene Amoli uyo wakalinga kulela muEshiboni.’

Joshuwa 8:3

Aboobo Joshuwa abashilumamba bakanyamuka baya mukulwana ndabala ya Ai. Mpeeke Joshuwa wakasala bashilumamba bali 30,000 abo mbwaakalinga kushoma. Wakabatuma mashiku

Joshuwa 8:8

Mwamana kubwesa ndabala iyi, mwiiteente. Mulyeelete kucita bweenka bwaamba Mwaami Lesa. Anu iyi njemilasho yangu.”

Dutolonomi 2:35

Twakabwesa shifubwa shoonse abuboni bwa mumandabala oonse ayo ngotwakasaala.

Joshuwa 9:3

Sombi bene Gibyoni, abo bakalinga bene Ifi, ndibakanyumfwa sheesho Joshuwa nshaakacita kundabala ya Jeliko aya Ai,

Joshuwa 11:14

Mumandabala ayo, bene Isilaeli bakabwesamo buboni ashifubwa shoonse. Sombi bakacaya bantu boonse bakalinga kwikalaamo. Taaku muntu nabi womwi wakapuluka.