Joshuwa 6:25 - Baibo Busansulushi Bwa Libuku Ili

²⁵ Sombi Joshuwa wakapulusha mwanakashi mufuule Laabu alimwi abamakwabo boonse, ceebo wakashisa beshikusensa abo mbwaakalinga watuma kuJeliko. Bamulunyungu lwakwe Laabu, bacili mucishi ca Isilaeli abobulya.

Joshuwa 6:25 Referans Kwoze

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Jemusi 2:25

Mbweeke ubo Laabu mufuule ulya, wakalulamikwa pameenso akwe Lesa ceebo ca micito yakwe ndyaakatambula beshikusensa bene Isilaeli, akubacafwa ayi baloboke mukubeensha nshila imwi.

Mateyo 1:5

Salumoni wakashala Bowasi muli Laabu, Bowasi wakashala Obedi muli Lute, alakwe Obedi wakashala Jese.

Joshuwa 2:6

Anu wakabashisa paciluli panshi lya shishiko sha butonje nshaakayala apo.

Milimo ya Batumwi 2:21

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa.’

Joshuwa 4:9

Joshuwa alakwe wakabunganya mabwe ali likumi aobilo pakati ka Mulonga wa Joodani, apo pakalinga peemikana bapailishi bakalinga kuyumwite Libokoshi lya Cipangano. Mabwe ayo abobulya mpaacili.

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

Joshuwa 2:4

Sombi mwanakashi paciindi ici kaali wabashisa kale boonse bobilo. Mpeeke wakakumbula ayi, “Ncakwiila basankwa bobilo bakesa kuli ndime, sombi nshikwe kwishiba nkobakaswa.

Joshuwa 2:18

Ono mbweshi ukacite mbulya: Na tukashike mucishi cino, ukaange kasani kasalala aka pambwelyo njewatukushishaawo. Ukalete baiso, banyoko abamakwanu lifumo lyomwi boonse muŋanda ino.