Joshuwa 6:17 - Baibo Busansulushi Bwa Libuku Ili

¹⁷ Ndabala inene iyi alimwi ashintu shoonse shiliimo shilyeelete kunyonyweetwabo limwi ayi shibe cipo kuMwaami Lesa. Mwanakashi mufuule Laabu alimwi abamuŋanda yakwe beenkabo mbweshi bapuluke, ceebo lakwe wakashisa beshikusensa besu.

Joshuwa 6:17 Referans Kwoze

Dutolonomi 20:17

Kweelana abwakaamba Mwaami Lesa, Lesa wanu, ncakwiila mukanyonyoole bantu boonse, nkokwaamba ayi bene Iti, bene Amoli, bene Kenani, bene Pelisi, bene Ifi alimwi abene Jebusi.

Jemusi 2:25

Mbweeke ubo Laabu mufuule ulya, wakalulamikwa pameenso akwe Lesa ceebo ca micito yakwe ndyaakatambula beshikusensa bene Isilaeli, akubacafwa ayi baloboke mukubeensha nshila imwi.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Bene Ebulu 11:31

Ndushomo lwakalengesha ayi mwanakashi mufuule Laabu atacaikwi pantu pomwi abaabo batakwe kunyumfwila Lesa mukwiinga wakatambula kabotu beshikusensa bene Isilaeli.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Bene Galatiya 3:12

Sombi Milawo teekumiteeko kulushomo ceebo Malembo akwe Lesa alaamba ayi, “Uyo woonse ucita shoonse shilembetwe muMilawo ulaakuba abuumi.”

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

1 Bene Kolinto 2:7

Busongo mbotwaamba mbwakwe Lesa ubo bwakalinga kushisitwe. Lesa wakabubambilabo limwi kaatana kulenga cishi kwaamba ayi aswebo tukabe abulemu bwakwe Lesa.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

1 Bene Kolinto 16:22

Na kuli muntu utasuni Mwaami Jesu, aashinganishikwe! Malanata! Nkokwaamba ayi, “NoBaami besu, kamwisa!”

Esekelo 39:17

Mwaami Lesa Shinkusu shoonse wakaŋambila ayi, “Webo omuntu, ita mushobo wa bayuni woonse abanyama bamuluundu boonse akubalwiita ayi, ‘Amuyoboloke akubungana pantu pomwi kuswa mumisena yoonse ishingulukite, mwise kumulambu ngoontoomubambila, ee, kumulambu unene patulundu twa Isilaeli. Uko mulaakulya nyama akunwa bulowa.

Jelemiya 46:10

Sombi bushiku ubu mbwa Mwaami Lesa, Mwaami Lesa Shinkusu shoonse. Mbushiku bwakuboosha cishole, ee, cishole pabalwani bakwe. Mupeeni ulaakucaya tibili ukakute bulowa ee, kushikila nyotwa ya bulowa ikamaane. Mwaami Lesa Shinkusu shoonse ulaakubenga mulambu mucishi cakumatwa kulubasu lwa Mulonga wa Yufuletisi.

Isaya 34:6

Mupeeni wa Mwaami Lesa ulaakupila mumalowa. Ee, ulaakufwekeleshekwa amafuta abo, kufwekeleshekwa bweenka mupeeni mbooba kubulowa bwa mbelele ampongo, alimwi akumafuta a kunsa sha mbelele shisankwa. Ceebo Mwaami Lesa ulaakubenga mulambu mundabala ya Bosila. Ee, muEdomu mulaakuba kucaikwa kuyoosha.

Esila 10:8

Uyo woonse weshi akabule kuya mukubungana munshiku shili shotatwe ulaakusowekelwa buboni bwakwe boonse kweelana abupingushi bwa bacinenenene alimwi abamaloba. Kuswawaawo ulaakukushikwa mulikoto lya baabo bakaswa mucishi ca busha.

1 Samwelo 15:6

Mpeeke wakacenjesha bene Keni ayi, “Amusweemo mushiye bene Amaleki kwaamba ayi ntamunyonyweeti kumwi. Mukwiinga mwebo mwakanyumfila nkumbu bene Isilaeli paciindi ndibakalinga kuswa kuIjipiti.” Aboobo bene Keni bakashiya bene Amaleki.

Joshuwa 7:1

Nacibi boobo bene Isilaeli tabakwe kunyumfwila Mwaami Lesa ndyaakabaambila ayi tabeelete kubwesa cintu nabi comwi mundabala inene ya Jeliko ico ceelete kunyonyoolwa. Akani mwanaakwe Kami, mwishikulu wakwe Sabudi, mucipani cakwe Sela mumukowa wakwe Juda, wakabwesa shintu shimwi. Aboobo Mwaami Lesa wakakalalila bene Isilaeli.

Joshuwa 2:22

Beshikusensa bakaya mutulundu bayuba kwanshiku shotatwe, kushikila bantu ba mwaami balema kuyandoola muya nshila, baboolamobo kutabacana.

Joshuwa 2:1

Mpomunyaawo Joshuwa wakatuma beshikusensa bobilo cabushishi kuswa kuShitimu ayi baye bakasense cishi ca Kenani, bunene bunene ndabala inene ya Jeliko. Ndibakashika mundabala iyo, bakaya mukwikala muŋanda ya mwanakashi mufuule wiitwa ayi Laabu.

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

Bene Lefi 27:21

PaMwaaka wa Lwaanguluko wakuboolaawo, muunda uyo ulaakubetabo limwi wa Mwaami Lesa. Ulaakupekwa kubapailishi.