Joshuwa 15:13 - Baibo Busansulushi Bwa Libuku Ili

¹³ Ono kweelana aMwaami Lesa mbwaakaambila Joshuwa, cipansha cimwi cakwe Juda wakacipa Kalebu mwanaakwe Jefune. Wakapekwa cishi ca Kilyati Aaba nabi ayi Ebuloni. Aaba wakalinga ishi Anaki.

Joshuwa 15:13 Referans Kwoze

Shakubelenga 13:30

Mpomunyaawo Kalebu wakoomusha bantu abo bakalinga kutongooka kuli Mose akwaamba ayi, “Tulyeelete kuya mukubalwana akubwesa cishi. Swebo tulicite nkusu shakubakoma.”

Matalikilo 23:2

Wakafwita muEbuloni mucishi ca Kenani, lyalo Abulaamu wakaya mukumulila abuumbi.

Shakubelenga 13:6

Juda Kalebu mwanaakwe Jefune

Joshuwa 21:11

Bakabapa ndabala inene ya Kilyati Aaba ili mucishi ca tulundu ca Juda, iyo iitwa ayi Ebuloni bulya pantu pomwi amafulo akalinga kwiishingulukite. Aaba wakalinga ishi Anaki.

Boomboloshi 1:10

Kuswawaawo bene Juda bakaya mukulwana bene Kenani bakalinga kwikala mundabala ya Ebuloni, iyo kalekale yakalinga kwiitwa ayi Kilyati Aba. Uko bakaya mukukoma bamumukowa wakwe Sheshayi, Ayimani alimwi aTalumayi.

1 Samwelo 25:3

Musankwa uyo wakalinga kwiitwa ayi Nabali, wa mucipani cakwe Kalebu. Mukaakwe wakalinga kwiitwa ayi Abigelo. Mwanakashi uyo wakalinga musongo alimwi mubotu ciwa, sombi musankwa wakalinga muunyu alimwi ucenena.

1 Samwelo 30:14

Twakasaala kulubasu lwakumalenge a cishi ca bene Keleti, acishi ca bene Juda, kubikaawo acishi cakumalenge ca bene Kalebu, ndiswe nkuya mukutenta andabala ya Sikilagi.”

1 Makani 6:56

Sombi myuunda amishi yakalinga kushingulukite ndabala inene iyo yakapekwa Kalebu mwanaakwe Jefune.

Matalikilo 13:18

Mpeeke Abulamu wakalonga akuyaka misumba yakwe pafwaafwi amibanga ya kuMamule muEbuloni. Uko nkwaakayakila Mwaami Lesa cipaililo.

Joshuwa 11:21

Paciindi ico Joshuwa wakaya mukunyonyoola bantu bapolomene bakalinga kwiitwa ayi bene Anaki mucishi ca tulundu ca Ebuloni, Debe alimwi aAnabu, kuswa kucishi ca tulundu coonse ca Juda alimwi aca Isilaeli. Joshuwa ncakwiila wakabanyonyoola boonse pantu pomwi amandabalaabo anene.

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Boomboloshi 1:20

Lyalo Kalebu wakapekwa ndabala ya Ebuloni kweelana abwakaamba Mose. Wakatandaamo shipani shotatwe sha mumukowa wakwe Anaki.

1 Samwelo 30:31

ba muEbuloni, akumisena yoonse iyo Defedi abashilumamba bakwe njibakalinga kweendaanaamo.

2 Samwelo 2:1

Kuswawaawo Defedi wakeepusha Mwaami Lesa ayi, “Sa nje ono kundabala yomwi ya muJuda?” Mwaami Lesa wakakumbula ayi, “Ee, koya.” Mpomunyaawo wakeepusha alimwi ayi, “Nje kundabalanshi?” Mwaami Lesa wakakumbula ayi, “Koya kuEbuloni.”

2 Makani 11:10

Sola, Aijaloni alimwi aEbuloni. Aya ngomandabala ayo akabikwa malinga mucishi ca Juda aca Benjameni.