Joshuwa 1:9 - Baibo Busansulushi Bwa Libuku Ili

⁹ Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 1:9 Referans Kwoze

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Dutolonomi 20:1

“Na mutooya mukulwana abalwani banu, ono mwaboona ayi balicite maaki aanji, shikoci shiinji alimwi bashilumamba baanji kwiinda banenu, tamweelete kubaloonda. Mwaami Lesa, Lesa wanu uyo wakamukusha mucishi ca Ijipiti, ulaakuba amwebo.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Isaya 43:1

Ono Mwaami Lesa, Lesa uyo wakamulenga nobamulunyungu lwakwe Jakobo, ee, uyo eenka wakamubumba mwebo nobene Isilaeli waamba ayi, “Mutaloondi, ndaakumufuna. Ndakamwiita liina, muli baangu.

Isaya 43:5

Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.

Boomboloshi 6:14

Lyalo Mwaami Lesa wakamulwiita ayi, “Koya ankusu shako shoonse nshiwakapekwa ukafune bene Isilaeli kuswa mumaansa a bene Midyani. Sa te ndime ntookutuma?”

2 Samwelo 13:28

Ono Abusalomu wakalwiita basebenshi bakwe ayi, “Na mubone Amunoni wakolwa alimwi na ŋambe ayi, ‘Amumuyase Amunoni,’ mumucaaye. Mutaloondi. Mulandu ngwaangu. Muyumye myoyo alimwi kutatonsha.”

Milimo ya Batumwi 4:19

Sombi Pita aJoni bakabakumbula ayi, “Mwebo nobeene amusale ciluleme pameenso akwe Lesa, na swebo tunyumfwile ndimwe nabi kunyumfwila Lesa.

Dutolonomi 31:28

Amubunganye bamatanjilili ba mikowa yoonse, alimwi abacinenenene kwaamba ayi mbalwiite maswi aya balinyumfwile. Ntokwiita liculu alimwi acishi ca panshi ayi shibe bakamboni bangu bakubashinina.

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Joshuwa 1:10

Kuswawaawo Joshuwa wakaambila bamatanjilili ayi,

Joshuwa 1:17

Tunanookunyumfwila bweenka mbotwakalinga kunyumfwila Mose. Mwaami Lesa, Lesa wako abe awebo bweenka mbwaakalinga aMose.

Joshuwa 8:1

Mpeeke Mwaami Lesa wakaambila Joshuwa ayi, “Utaloondi nabi kutyongola. Bwesa bashilumamba boonse akuya mukulwana ndabala inene ya Ai. Mukwiinga mwaami wa muAi abantu bakwe ndababika mumaansaanu pantu pomwi andabala yakwe inene alimwi acishi cakwe coonse.

Joshuwa 10:8

Mpomunyaawo Mwaami Lesa wakaambila Joshuwa ayi, “Utaloondi bantu aba mukwiinga nebo ndabaaba kale mumaansaako. Taaku nabi womwi eshi acikoonshe kukukoma.”

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Matalikilo 39:2

Mwaami Lesa wakalinga aJosefu alimwi wakamulengesha kuswitilila. Wakalinga kwikala muŋanda ya mwaami wakwe mwine Ijipiti,

Matalikilo 39:3

uyo wakabona kwaamba ayi Mwaami Lesa wakalinga anguwe alimwi wakamulengesha ayi abe ashoolwe mushintu shoonse nshaakalinga kucita.

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

Joshuwa 1:18

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

Joshuwa 3:7

Kuswawaawo Mwaami Lesa wakaambila Joshuwa ayi, “Pabushiku bwasunu ntootalika kukusumpula pameenso abene Isilaeli boonse, kwaamba ayi beshibe ayi ndi awebo bweenka mbondakalinga aMose.

Joshuwa 6:27

Lyalo Mwaami Lesa wakalinga aJoshuwa, mpeeke mpuwo yakwe yakakumanabo cishi coonse.

Joshuwa 10:25

Lyalo Joshuwa wakaambila bamatanjilili abo ayi, “Mutaloondi nabi kutyongola. Amuyume akulishoma mukwiinga Mwaami Lesa mbweshi anoocita kubalwani banu boonse abo mbweshi munoolwanaabo.”

1 Samwelo 10:7

Lyalo shitondesho ishi shacitika, cita cili coonse Lesa nceshi akutanjilile ayi ucite.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Isaya 8:12

“Webo utanoonjila mumiyeeyo njebapangana. Utanooloonda nshebaloonda. Utatutumi ceebo ca boowa.

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Agayi 2:5

Mutaloondi mukwiinga Mushimu wangu uli andimwe bweenka mbondakamushomesha ndindakamukusha mucishi ca Ijipiti. Nebo neMwaami Lesa Shinkusu shoonse ndaamba.’