Joshuwa 1:6 - Baibo Busansulushi Bwa Libuku Ili

⁶ Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Joshuwa 1:6 Referans Kwoze

Danyelo 10:19

Kuswawaawo wakaŋambila ayi, “Cileke kuloonda. Webo ulalemekwa abuumbi pameenso akwe Lesa. Aboobo utalisukami nabi kuloonda cintu cili coonse.” Ndyaakaamba boobo ndakeendaawo kuyuma akwaamba ayi, “Nkambo amundwiitebo nshemweelete kwaamba ceebo mwanengesha kuba ankusu.”

Joshuwa 1:9

Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”

Joshuwa 1:7

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Bene Efeso 6:10

Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.

1 Bene Kolinto 16:13

Amucenjele, mwiimikane cakutatenkaana mulushomo. Amube bantu batacite boowa, bayumu.

2 Timoti 2:1

Ono omwanaangu liyumyeyumye muluse ndootucite muli Klistu Jesu.

1 Makani 28:10

Ulyeelete kwishiba ayi Mwaami Lesa wakakusala ayi ukayake Ŋanda yakwe isalalite. Ono yaka! Wiiyake cakutatyongola.”

1 Makani 22:13

Na ukakonkele milasho amilawo yoonse iyo Mwaami Lesa njaakapa bene Isilaeli kwiinda muli Mose, ulaakuswitilila. Ulyeelete kuyuma akulishoma. Utakaloondi nabi kutyongola.

Agayi 2:4

Sombi yuma webo Selubabelo. Yuma awebo Joshuwa mwanaakwe Jeosadaki, mupailishi munene. Amuyume amwebo nobantu nobene cishi. Amusebense noonse ceebo nebo ndi amwebo.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Sekaliya 8:9

Mwaami Lesa Shinkusu shoonse waamba ayi, “Ono mwebo nomutoonyumfwa maswi aya kuswa kumilomo ya balaluki abo bakalingaako lwiimbi lwa Ŋanda yangu ndilwakayakwa, maansaanu aayume kwaamba ayi Ŋanda yangu iyakwe.

1 Baami 2:2

Wakaamba ayi, “Lufu lwangu luli pafwaafwi. Shimpa akuyumya moyo.

Matalikilo 26:3

Kala muno, alimwi ndanooli awebo akukupa coolwe. Ndaakupa cishi coonse ici kuli ndiwe abamulunyungu lwako. Ndaakucita kweelana ambondakalasha iso Abulaamu.

1 Samwelo 4:9

Amuyumye myoyo nobene Filisiti! Mulwane cisankwa! Kwakubula boobo tutooba basha kubaEbulu bweenka mbobakalinga basha besu. Ee, amulwane cisankwa!”

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Dutolonomi 11:8

“Mukonkele milawo yoonse njendamupa sunu. Lyalo mulaakukonsha kusubuka Mulonga wa Joodani akubwesa cishi ico ayi cikabe caanu.

2 Samwelo 10:12

Uyume alimwi tulwane cakubula boowa kwiimikanina bene misheesu amandabala anene akwe Lesa wesu. Mwaami Lesa aacite kweelana akuyanda kwakwe.”

Matalikilo 12:7

Mwaami Lesa wakaboneka kuli Abulamu akumwaambila ayi, “Ici ncecishi nceshi nkape bamulunyungu lwako.” Lyalo Abulamu wakayakila Mwaami Lesa cipaililo peenka apo mpaakaboneka kuli nguwe.

Shakubelenga 26:53

“Mikowa yoonse iyi uyaabanye cishi kweelana akufula kwa mukowa womwi awomwi.

Shakubelenga 33:53

Mukabwese cishi ico akwikala mumo mukwiinga ntoocipa kuli ndimwe.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Joshuwa 1:18

Uyo woonse eshi akabule kunyumfwila maswi ako nabi kukonkela milasho yako, ulyeelete kucaikwa. Sombi ulyeelete kuyuma akulishoma!”

Joshuwa 5:6

Bene Isilaeli bakeendaana muluyanga kwamyaaka ili makumi one, kushikila basankwa boonse bakalinga kucite myaaka isuminishikwa kuba shilumamba ndibakamana kufwa, ceebo tabakwe kunyumfwila Mwaami Lesa. Mukwiinga Mwaami Lesa wakabashomesha cakulumbila ayi cishi muli bubile abulongo bubotu ico ncaakashomesha bamashali babo bakulukulu ayi ulaakutupa, teshi bakaciboneewo.

Joshuwa 10:25

Lyalo Joshuwa wakaambila bamatanjilili abo ayi, “Mutaloondi nabi kutyongola. Amuyume akulishoma mukwiinga Mwaami Lesa mbweshi anoocita kubalwani banu boonse abo mbweshi munoolwanaabo.”

Joshuwa 13:6

Kubaabo boonse bekala kucishi ca tulundu kuswa kuLebanoni akushika kuMisilefoti Maimu, nkokwaamba ayi bene Sidoni boonse, nebo nemwiine ndaakubatanda mucishi kunembo lya bene Isilaeli. Cishi ici ulyeelete kucibaanya bene Isilaeli kweelana ambondakulwiita.

Joshuwa 18:3

Paceebo ceeci Joshuwa wakaambila bene Isilaeli ayi, “Ino mutoolindila ciindi cilaamfu buyani kamutana kuya mukubwesa cishi ico Mwaami Lesa, Lesa wa bamashali banu bakulukulu ncaakamupa?

Joshuwa 21:43

Munshila iyo Mwaami Lesa wakapa bene Isilaeli cishi coonse ico ncaakalinga washomesha cakulumbila kubamashali babo bakulukulu. Mpeeke bakatalika kwikalaamo.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

2 Makani 20:7

Mwebo ndimwe baLesa besu. Bene Isilaeli ndibakesa muno mucishi, mwakatandaanya bantu abo bakalinga kwikalaamo. Lyalo mwakapa cishi cabo kubamulunyungu lwakwe Abulaamu, shicibusa wanu, ayi cibe caabo kwalyoonse aLyoonse.

2 Makani 20:11

Ono amubone cishole ncebatootubooshesha! Besa mukututandaanya mucishi ico ncemwakatupa.