Joni 8:54 - Baibo Busansulushi Bwa Libuku Ili

⁵⁴ Jesu wakakumbula ayi, “Ono na ntoolipa bulemu nemwiine, ingayi bulemu bwangu taaku mbobubete. Nebo mbaTa abo beenka mbomwaamba ayi ngoLesa wanu, mbobampa bulemu.

Joni 8:54 Referans Kwoze

Joni 8:50

Nebo nshitoolipa bulemu nemwiine, sombi nkwaali umpa bulemu uyo ngweshi akoomboloshe.

Tushimpi 25:27

Tacishi cibotu kulya bunene buuci akwalo kulilangweeta bulemu tacipi bulemu.

2 Pita 1:17

Ndyaakatambula bulemu alimwi akulemekwa kuswa kuli Lesa Ishi, wakanyumfwa liswi kuswa kuBulemu Bwiindaawo lyakwaamba ayi, “Uyu ngoMwanaangu ngoonsuni alimwi muli nguwe ndakondwa.”

2 Bene Kolinto 10:18

Mukwiinga teshi wooyo ulilumbaisha mwiine utambulwa, sobwe. Sombi ngooyo Mwaami Lesa ngwaalumbaisha.

Milimo ya Batumwi 3:13

Mukucita ceeci Lesa wakwe Abulaamu, Isaki alimwi aJakobo, Lesa wa bamashali besu bakulukulu, watondesha bulemu kumusebenshi wakwe Jesu. Mwebo mwakamwaaba mumaansa a beendeleshi alimwi mwakamukaka pameenso akwe Pilato nakubi kwaamba ayi lakwe wakalinga kusuni kumwaangulula.

Joni 17:1

Jesu ndyaakamana kwaamba makani aya, wakalanga kwiculu akupaila ayi, “Ta, ciindi cashikila. Ono aboobo amupe bulemu kuMwanaanu kwaamba ayi alakwe ape bulemu kuli ndimwe.

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

1 Pita 1:21

Kwiinda muli nguwe mulashoma muli Lesa uyo wakamubusha kuswa kubafu akumupa bulemu buunji. Aboobo lushomo lwanu akulangila kwanu kube muli Lesa.

1 Pita 1:12

Lesa wakayubulula kubalaluki abo ayi milimo yabo teyakalinga yakulicafwa beene, sombi mwebo. Nshebakaamba, nshesheeshi ono shakalwiitwa ndimwe kwiinda mubaabo bakamushimikila Makani Abotu. Bakacita boobo kwiinda munkusu sha Mushimu Usalashi uyo Lesa ngwaakatuma kuswa kwiculu. Ishi nsheshintu abaanjelo nshebakumbwa abuumbi kwishiba.

Joni 17:5

Aboobo Ta, amumpe bulemu ono pameenso anu. Mumpe bulemu ubo bweenka mbondakalinga kucite ndindakalinga amwebo cishi ca panshi kacitana kulengwa.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Joni 5:41

“Nebo nshisuni kulumbaishikwa kubantu.

Joni 2:11

Ici, ncaankamiko citaanshi Jesu ncaakacita mucishi ca Galili, wakatondesha nkusu sha bulemu bwakwe, aboobo bashikwiiya bakwe bakamushoma.

Osiya 1:9

Lyalo Mwaami Lesa wakaŋambila ayi, “Mwaana uyo mutumbe ayi Lo Ami mukwiinga bene Isilaeli tabacibete bantu bangu alimwi nebo nshicibete Lesa wabo.

Isaya 66:5

Ono amukutike maswi a Mwaami Lesa mwebo nomulemeka maswi akwe ayo. Waamba ayi, “Bamakwabanu abo bamupatite ceebo cakushomeka kuli ndime, baamba ayi, ‘Mwaami Lesa wabo aatondeshe nkusu shakwe kwaamba ayi tumuboone kamusangalala.’ Ono balo beenka abo balaakulenshekwa nsoni.