Joni 8:44 - Baibo Busansulushi Bwa Libuku Ili

⁴⁴ Mwebo muli kulubasu lwakwe ishiwanu Satana, aboobo mulisuni kucita sheesho shisuni ishiwanu. Lakwe wakalinga mucayi kuswa kumatalikilo. Taana kucitawo kale shalushinisho mukwiinga muli nguwe taamu lushinisho. Na waamba sha bubeshi ingayi waamba mbwaabete mukwiinga ngumubeshi alimwi ngoishi wa bubeshi.

Joni 8:44 Referans Kwoze

Milimo ya Batumwi 13:10

akumwaambila ayi, “Webo omwanaakwe Satana, noopatite shiluleme shoonse, uliswitebo bucenjeshi alimwi abubeshi akukakatilabo kufulunganya shintu sha lushinisho sha Mwaami Lesa.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.

2 Bene Kolinto 11:3

Sombi ndiloondete kwaamba ayi bweenka mbuli nsoka mboyakabeca Efa mubucenjeshi bwa njiyo, amwebo inga mwabecekwa, lyalo mwacileka kulyaaba kuli Klistu amyoyo yoonse.

Ciyubululo 12:9

Lyalo shinshimwe uyu bakamuwaala panshi, njensoka ikulukulu ilya, iitwa ayi Mubiibi nabi Satana, uyo ucenjeeka bantu boonse mucishi ca panshi. Wakawaalwa panshi pantu pomwi abaanjelo bakwe boonse.

Joni 8:38

Nebo ndaamba shintu nshindakabona kuli baTa, sombi mwebo mulacita shintu nshemwakanyumfwa kuli ishiwanu.”

Joni 8:41

Mwebo mutoocita shintu shakwe ishiwanu nobeene.” Mpomunyaawo balo bakamwaambila ayi, “Tatwishi baana ba mubulale. Tulicitebo ishiwesu womwibo ndondoli, Lesa.”

1 Joni 3:15

Uyo woonse upatite mubye ngumucayi alimwi mulishi kwaamba ayi taaku mucayi ucite buumi butamaani muli nguwe.

Mateyo 13:38

Muunda uyo ncishi ca panshi. Maila mbantu ba muBweene bwa kwiculu, ayalo misonde mbantu ba Mubiibi.

Judi 1:6

Amwiibaluke baanjelo balya batakwe kukondwa kunooli mumisena ya nkusu nshebakapekwa, sombi bakashiya musena wakabapa Lesa kwiculu. Lesa wakabaanga ncetani shitanyonyooki alimwi ulibasungite mumusena wa munshinshe kushikila paBushiku bunene ndyeshi akaboomboloshe akubapa mulandu.

1 Joni 2:4

Uyo waamba ayi Lesa ndimwishi, sombi kaatakonkeli milawo yakwe, ngumubeshi alimwi lushinisho talubete muli nguwe.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

1 Pita 5:8

Amucenjele akunoolibambite lyoonse mukwiinga Mubiibi, mulwani wanu, utokweendaanabo anga ninkalamu ifwite nsala itooyandoola wakulya!

Ciyubululo 9:11

Shakalinga kucite amwaami shikusheendelesha, uli ngomunjelo shikubona pacilindi cilya citeeli. Liina lyakwe muciEbulu nguAbadoni, muciGiliki nguApolyoni, (nkokwaamba ayi, “Shikunyonyoola”).

Milimo ya Batumwi 5:3

Sombi Pita wakamwiipusha ayi, “Webo Ananiyasi, nceebonshi wasuminisha Satana ayi enjile mumoyo wako kwaamba ayi ubece Mushimu Usalashi, pakucaasha maali amwi ngowakoolisha buboni bwako?

1 Makani 21:1

Satana wakalinga kusuni kuleta mapensho pabene Isilaeli, aboobo wakalengesha Defedi kwaamba ayi abelenge bantu.

Joni 6:70

Jesu wakaamba ayi, “Sa teshi ndime ndakamusala mwebo nomuli likumi abobilo? Ee, Sombi womwi pakati kanu ngumulwani.”

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

2 Pita 2:4

Mukwiinga Lesa taakwe kulekabo baanjelo bakabisha, sombi wakabawaala kumusena wa bafu, mumunshinshe umo mobaangitwe kushikila Bushiku bwakoomboloshekwa.

Ciyubululo 13:14

Mpeeke wakabeca bantu boonse ba mucishi ca panshi kwiinda mushaankamiko nshaakasuminishikwa kucita ceebo ca munyama mutaanshi. Munyama uyu wakabaambila ayi bapange cibumbwabumbwa cakubonesha bulemu kumunyama uyo wakabuka ndyaakalinga wayaswa mupeeni.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.

Jobo 1:11

Amweeleshe kumunyaya nshaacite mulinyumfwile mbweshi amushingane.”

1 Baami 22:22

Mwaami Lesa wakeepusha ayi, ‘Ulaakumucenjeeka buyani?’ Mushimu wakakumbula ayi, ‘Ndaakuya mukulengesha balaluki bakwe Aabu kwaamba shabubeshi.’ Mwaami Lesa wakaamba ayi, ‘Koya ukamucenjeeke. Ulaakucikonsha.’ ”

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Mateyo 13:15

Mukwiinga bantu aba mbeshicimpamya, alimwi bashinka mumatwi akucala meenso abo. Nakuteshi boobo naakwiinga kababonesha akunyumfwishisha akuba amyoyo yakusuna kukutika, kwaamba ayi basanduke kuswa kushibiibi shabo, ayi nebo neLesa mbashilike.’

Joni 7:17

Aboobo uyo woonse usuni kucita buyanda Lesa, ulaakwishiba na kwiisha kwangu uku kulaswa kuli Lesa nabi kuli ndime nemwiine.

Joni 8:55

Nakubi kwaamba ayi mwebo tamumwishi, nebo ndimwishi alimwi na ndaamba ayi nshimwishi, nkokwaamba ayi ndaba mubeshi bweenka mbuli ndimwe. Ono nebo ndimwishi alimwi ndacita bwaamba liswi lyakwe.

1 Joni 1:8

Ono na twaamba ayi tatubishi, cilaamba ayi tutoolibeca sobeene alimwi lushinisho lwakwe Lesa talubete muli ndiswe.

1 Joni 2:21

Nshintoomulembela makani aya mukwiinga shalushinisho tamushishi, sombi mukwiinga mulishishi alimwi mulishi ayi taaku bubeshi buswa mulushinisho.

Milimo ya Batumwi 24:9

Abalo baJuda bakasuminisha akwaamba ayi shoonse nshancinencine.