Joni 8:15 - Baibo Busansulushi Bwa Libuku Ili

¹⁵ Mwebo muloombolosha muntu kwiinda mubuntu, sombi nebo nshoomboloshi muntu nabi womwi.

Joni 8:15 Referans Kwoze

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

Joni 12:47

Na muntu wanyumfwa maswi angu, nakubi boobo wabula kwaakonkela teshi nkamoomboloshe mukwiinga nshina kwisa mukoombolosha bantu, sombi mukubapulusha.

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

Joni 3:17

Lesa taakwe kutuma Mwanaakwe mucishi kwaamba ayi oomboloshe bantu, sombi ayi bapulushikwe kwiinda muli nguwe.

Joni 18:36

Jesu wakakumbula ayi, “Bweene bwangu tabwishi bwa mucishi ca panshi pano. Nebwakalinga bwa panshi, naakwiinga bakonkela ndime batoolwana kwaamba ayi ntaabwi kubeendeleshi ba baJuda. Ono bweene bwangu tabwishi bwa mucishi cino.”

1 Bene Kolinto 2:15

Muntu ucite Mushimu Usalashi ulakonsha kwishiba bubi abubotu bwa shintu shoonse alimwi taaku weenga wamukasha.

Bene Loma 2:1

Omweensuma, webo nowoombolosha babyo, taaku mpweshi ukayubile mulandu, nabi ubaani. Ceebo ndiwoombolosha bamwi pabubi bweenka mboocita, awebo utolishinina omwiine.

Joni 8:11

Mwanakashi uyo wakakumbula ayi, “Taakuuwo Nkambo.” Lyalo Jesu wakaamba ayi, “Anu anebo teshi nkupeewo mulandu. Ono koya, utakacitiiwo cibiibi alimwi!”]

Amosi 5:7

Mwamana katyenke mwebo nomoombolosha cakunyengelela, ee, mwebo nomoombolosha kuteshi mubululami.

Jemusi 2:4

Na mwacita boobo, sa te mulicite mulandu wakusalululana pakati kanu akoombolosha kwiimfwi pamiyeeyo ibiibi?

Luka 12:14

Sombi Jesu wakamukumbula ayi, “Webo ndaba, ino ngani waamba ayi nebo mbe moomboloshi pali ndimwe nabi shikwaabanya shintu shakamushiila ishiwanu mulobe.”

Abakuku 1:4

Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.

Amosi 6:12

Sa maaki alacica patulundu twa myaandami? Sa muntu inga walima aŋombe palweenge? Sombi mwebo mwasandula koombolosha kwakutanyengelela kuba shikola akusandula shabululami kuba kulula kwiine kwiine.

2 Bene Kolinto 5:16

Kuswabo nditwakaba bashomi, twakacileka kuyeeyela muntu munshila sha buntu. Ndushinisho ico twakacicitaawo pali Klistu, sombi bulya twakacileka.