Joni 3:5 - Baibo Busansulushi Bwa Libuku Ili

⁵ Jesu wakakumbula ayi, “Ncakwiila ntookulwiita ayi taaku muntu utana kushalwa mumaanshi alimwi aMushimu Usalashi weshi akenjile muBweene bwakwe Lesa.

Joni 3:5 Referans Kwoze

Milimo ya Batumwi 2:38

Pita wakabakumbula ayi, “Amusanduke kuswa kushibiibi shanu, mubombekwe muliina lyakwe Jesu kwaamba ayi Lesa amulekelele akumupa Mushimu Usalashi.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Joni 3:3

Jesu wakakumbula ayi, “Ncakwiila, ntookulwiita calushinisho ayi taaku muntu eshi akabone Bweene bwakwe Lesa na taana kushalwa cipya.”

Maako 16:16

Uyo woonse ushoma akubombekwa, ulaakupulushikwa. Sombi uyo utashomi, ulaakupekwa mulandu.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

Joni 1:13

Kuba bana bakwe Lesa uku, takukwe kuswa kubashali. Nkokwaamba ayi takukwe kuswa mukuyanda kwa muntu, sombi bakashalwa munkusu shakwe Lesa.

1 Joni 5:1

Uyo woonse ushoma ayi Jesu ngoUsalitwe wakwe Lesa, ngumwanaakwe Lesa. Alakwe uyo woonse usuni ishi, ulisuni amwaana.

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

Bene Galatiya 6:15

Mukwiinga kupalulwa nabi kutapalulwa taaku mbokubeteewo, sombi cintu cinene nkuba abuumi bupya.

Bene Loma 14:17

Bweene bwakwe Lesa mubuumi bwesu teshi bwakulya akunwa, sombi mbwabululami, luumuno alimwi akusangalala kuswa muMushimu Usalashi.

Mateyo 28:19

Paceebo ceeco, kamuya mukanokwiisha bantu bamishobo yoonse, mukababombeke muliina lya baTa, alya Mwaana alimwi alya Mushimu Usalashi.

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

1 Pita 1:2

Mumiyeeyo yakwe Lesa Ishiwesu wakamusala. Mwakasalashikwa aMushimu Usalashi ayi munoonyumfwila Jesu Klistu akusanshikwa abulowa bwakwe. Luse aluumuno shikomene muli ndimwe lyoonse alyoonse.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

Luka 13:3

Sobwe! Ono ntoomulwiita ayi na mubule kusanduka kuswa kushibiibi shanu, amwebo mulaakufwa.

Mateyo 5:20

Aboobo ntoomwaambila ayi sombibo na bululami bwanu buleenda boobo bwa bafundishi ba Milawo abaFalisi, teshi mukenjile muBweene bwa kwiculu.

Bene Loma 8:2

Ceebo kweendeleshekwa aMushimu Usalashi uko kuleta buumi kwiinda muli Klistu Jesu, kwaŋangulula kumulawo wa bubi uyo uleta lufu.

Luka 13:24

“Amweeleshe cankusu kwinjila pamulyango ushaankene mukwiinga ntoomwaambila ayi bantu baanji balaakweelesha kwinjila, sombi teshi bakacikoonshe.

Luka 13:5

Sobwe! Sombi na mubule kusanduka kuswa kushibiibi shanu, amwebo noonse mulaakufwa.”

Mateyo 19:24

Ntoobooshaawo alimwi ayi, ncuubu ngamela kupula muliinso lya nyeleti kwiinda muntu mubile kwinjila muBweene bwakwe Lesa.”

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Maako 9:47

Na liinso lyako lyakulengesha ayi ubishe, liloboleemo. Mukwiinga ncibotu kwinjila muBweene bwakwe Lesa aliinso lyomwi, kwiinda kuya mukuwaalwa mumulilo utamaani ameenso obilo.

Maako 10:14

Jesu ndyaakabona boobo, wakakalalila bashikwiiya bakwe akubaambila ayi, “Amuleke baana baniini bese kuli ndime. Mutanoobakasha ceebo Bweene bwakwe Lesa mbwa baabo bali mbuli baaba.

Joni 3:4

Nikodemasi wakeepusha Jesu ayi, “Ino muntu munene kale inga washalwa buyani cipya? Sa inga wenjila alimwi mumala muli banyina akushalwa cipya?”

1 Bene Kolinto 15:50

Nobamakwesu, ncentokwaamba cakwaamba ayi muntu ucite mubili wa buntu taakoonshi kwinjila muBweene bwakwe Lesa alimwi cifwa tacikoonshi kwikala kooko kutaaku lufu.