Joni 2:18 - Baibo Busansulushi Bwa Libuku Ili

¹⁸ Mpeeke baJuda bakeepusha ayi, “Ncaankamikonshi nceshi ucite kwaamba ayi tushibe ayi ulicite nkusu shakucita bobulya?”

Joni 2:18 Referans Kwoze

Joni 6:30

Mpeeke bakamwiipusha ayi, “Ino ncaankamikonshi nceshi mucite kwaamba ayi tubone akumushoma? Mutoocita mulimonshi?

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Milimo ya Batumwi 4:7

Bakeemika Pita aJoni kunembo lyabo akubeepusha ayi, “Ino mwakamushilika buyani muntu uyu? Ninkusu shakwe ni nabi ndiina lyakwe ni ndimwakasebensesha?”

Joni 1:25

Bakeepusha Joni ayi, “Ono na teshi ndiwe Usalitwe wakwe Lesa, Elija nabi mulaluki ngotutoolindila ulya, utoobombekelanshi?”

Luka 11:29

Bantu ndibakalinga kuya cifula, Jesu wakatalika kwaamba ayi, “Bantu ba cecino ciindi mbabiibi. Balisuni kubona citondesho cakuswa kwiculu, ono taaku nceshi batondeshekwe, sombibo citondesho cakwe Jona.

Maako 8:11

BaFalisi bamwi bakesa kuli Jesu akutalika kupikishanyaakwe. Bakamusenga cakumweelesha ayi ababoneshe citondesho kwaamba ayi bashome na nkusu nshaacite shilaswa kuli Lesa.

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Kulonga 7:9

“Na mwaami amwaambile ayi muliyubulule kwiinda mukucita caankamiko, ulwiite Aloni ayi anyamune nkoli yakwe akwiiwaala panshi kunembo lya mwaami, lyalo itokwaaluka nsoka.”

1 Baami 13:3

Lyalo mulaluki uyo wakatolelela akwaamba ayi, “Ici cipaililo cilaakuwa akumwayuluka. Ayalo milota ili pali ncico ilaakupalangana. Lyalo ulaakwishiba ayi Mwaami Lesa ngowaamba kwiinda muli ndime.”

Joni 1:19

Ono ubu mbobukamboni bwakwe Joni baJuda ba kuJelusalemu ndibakatuma bapailishi alimwi abene Lefi bamwi kumwiipusha ayi, “Ino ndiwaani?”