Joni 15:7 - Baibo Busansulushi Bwa Libuku Ili

⁷ Na mwakalilila muli ndime aalo maswi angu akalilila muli ndimwe, inga mwaseenga cili coonse ncemusuni, mulaakupekwa.

Joni 15:7 Referans Kwoze

Kulumbaisha 37:4

Kosangalala muMwaami Lesa, lakwe ulaakukupa nshoolila mumoyo.

1 Joni 5:14

Tulashoma cancinencine muli Lesa mukwiinga tulishinishite kwaamba ayi ulanyumfwa na twamusenga cintu cili coonse kweelana akuyanda kwakwe.

Joni 14:13

Aboobo cili coonse nceshi mukasenge muliina lyangu, ndaakucicita kwaamba ayi baTa bakapekwe bulemu kwiinda muMwanaabo.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.

Joni 15:16

Teshi ndimwe mwakansala, sobwe. Sombi ndime ndakamusala kwaamba ayi mukacate shisepo isho shitaloobi. Lyalo baTa balaakumupa cili coonse nceshi mukasenge muliina lyangu.

Mateyo 7:7

“Amusenge mulaakupekwa, amulangoole mulaakucana alimwi mukonkoonshe mulaakucalwitwa.

Joni 16:23

“Pabushiku ubo taaku nceshi mukansenge. Ntoomulwiita calushinisho ayi baTa balaakumupa cili coonse nceshi mukasenge muliina lyangu.

Bene Galatiya 5:16

Nceentokwaamba nceeci, amuleke Mushimu Usalashi umutanjilile. Lyalo ndyeshi mubule kukonkela buumi bwa buntu ubo busuni kubisha.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Tushimpi 10:24

Bamucita shibi balapekwa shintu isho nshebaloonda, sombi baluleme balatambula shoonse nshebasuni.

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Dutolonomi 6:6

Kutaluba milawo iyi njeentoomupa sunu.

1 Joni 2:14

Ntoolembela ndimwe nobana bangu ceebo mulishi Ishiwesu. Ntoolembela ndimwe nobamashali bangu basankwa ceebo mulimwishi uyo wakalingaako kuswabo kumatalikilo. Ntoolembela ndimwe nobasankwa bacikula bwangu ceebo muli bayumu amaswi akwe Lesa ali muli ndimwe alimwi mwakoma Mubiibi ulya.

Bene Kolose 3:16

Maswi akwe Klistu aakalilile mumyoyo yanu lyoonse pakwiishanya alimwi akulwiitana cabusongo boonse. Amwiimbe nyimbo shakulumbaisha, shakulemeka Lesa alimwi anyiimbo shimwi sha Mushimu wakwe Lesa. Amwiimbile Lesa amyoyo yakulumba.

Tushimpi 4:4

bata bakalinga kunjiisha akunoondwiita ayi, “Ulame maswi ngoontookwaambila amoyo wako woonse. Koshikonkela nsheenkwaambila, ingaawo ukabe abuumi.

Jobo 22:26

Mpeeke ulaakucana kusangalala muli nguwe alimwi ulaakunoocinkite manungo muli nguwe lyoonsebo.

Joni 8:37

Ndishi kwaamba ayi muli bana bakwe Abulaamu. Nakubi boobo mutoopinga kuncaya mukwiinga maswi angu taanjili mumyoyo yanu.

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Bene Galatiya 4:2

Mwaana uyo ulyeelete kunyumfwila bamulela alimwi abaabo beshikulama buboni bwakwe kushikila ciindi baishi ncebakabamba.

1 Baami 3:5

Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”

Joni 8:31

Jesu wakaambila baJuda bakamushoma ayi, “Na mukonkele kwiisha kwangu, ncakwiila mutooba bashikwiiya bangu.