Joni 15:12 - Baibo Busansulushi Bwa Libuku Ili

¹² Mulawo wangu ngooyu, amusunane bweenka mboomusuni anebo.

Joni 15:12 Referans Kwoze

1 Joni 4:21

Mulawo Klistu ngwaakatupa ngwakwaamba ayi uyo usuni Lesa ulyeelete kusuna amubye.

Joni 13:34

Ntoomupa mulawo upya wakwaamba ayi, ‘Amusunane.’ Bweenka mboomusuni nebo, amwebo mulyeelete kusunana.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

Bene Loma 12:10

Amusunane cancinencine mbuli banabankashi muli Klistu alimwi akunoolibambite kupaana bulemu.

Bene Efeso 5:2

Shoonse nshemucita, shilyeelete kutondesha lusuno bweenka mbuli Klistu mbwaakatusuna. Wakaaba buumi bwakwe ceebo ca ndiswe akuba anga ncipo ca bweema bubotu alimwi anga ncipo ca munyama wakutenta cikondelesha pameenso akwe Lesa.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

1 Pita 1:22

Ono bulya mbomwasalasha myoyo yanu mukunyumfwila shalushinisho ambuli mbomusunene abashominyinaanu, mulyeelete kusunana amyoyo yoonse.

1 Bene Tesalonika 4:9

Taapu ceebo nceenga twalembelawo shalusuno lwanu kubashominyinaanu. Lesa wamwiisha kale mbomweelete kusunana.

1 Bene Tesalonika 3:12

Mwaami Jesu aakomeneshe kusunana kwanu alusuno lwanu kubantu boonse kwaamba ayi shishike palusuno ndotucite pali ndimwe.

2 Bene Tesalonika 1:3

Nobamakwesu, tulyeelete kulumba Lesa ceebo canu lyoonse. Cililuleme abuumbi kuli ndiswe kulumba Lesa ceebo lushomo lwanu lwakomena abuumbi alimwi kusunana kwanu kutooya ciindaawo.

Malaki 1:2

Mwaami Lesa ulaambila bantu bakwe ayi, “Nebo ndimusuni lyoonsebo.” Sombi balo baleepusha ayi, “Ino ulitusuni buyani?” Lyalo Mwaami Lesa ulakumbula ayi, “Sa te Esau wakalinga munene wakwe Jakobo? Nakubi boobo, ndisuni Jakobo abamulunyungu lwakwe,

Joni 15:17

Anu mulawo wangu ngwakwaamba ayi musunane.

2 Joni 1:5

Ono ndakusenga omwanakashi oosunikwi ayi soonse tusunane. Teshi kwaamba ayi ndakulembela mulawo upya, sombi ngooyo weenka ngotwakalinga kucite kuswa kumatalikilo.