Joni 14:12 - Baibo Busansulushi Bwa Libuku Ili

¹² Ntoomulwita calushinisho ayi uyo woonse ushoma muli ndime, ulaakukonsha kucita nsheencita. Ncakwiila ulaakucita ashiinda pasheesho nsheencita ceebo ntooya kuli baTa.

Joni 14:12 Referans Kwoze

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

Maako 16:17

Abo bashoma balaakuba ashitondesho ishi: Balaakunookusha bashikaswa muliina lyangu, balaakunokwaamba milaka imwi ipusenepusene.

Milimo ya Batumwi 16:18

Wakalinga kucita boobo kwanshiku shiinji. Mpeeke Paulo wakakalala akupiluluka kwaambila shikaswa wakalinga mumwanakashi uyo ayi, “Kwiinda munkusu shakwe Jesu Klistu ntookwaambila ayi swaamo mumwanakashi uyu!” Paciindi ceenka ico shikaswa wakaswaamo.

Milimo ya Batumwi 9:34

Pita wakamwaambila ayi, “Enisi, Jesu Klistu wakushilika. Nyamuka uyalule mpasa yako.” Paciindi ceenka ico Enisi wakanyamuka.

Milimo ya Batumwi 19:12

Bantu bakalinga kucita na babwesa tutambala nabibo shisani shakasebenseshawo Paulo akutola kubalwashi, malwashi abo akalinga kumana, abalo bashikaswa bakalinga kuswa mubantu.

Milimo ya Batumwi 9:40

Pita wakabakusha pansengwe boonse, wakafukama akutalika kupaila. Kumana kupaila, wakapilulukila kwakalinga mutuntu akwaamba ayi, “Tabita, nyamuka!” Lyalo Tabita wakalasha, mpeeke ndyaakabona Pita, wakabuka, wekala.

Milimo ya Batumwi 8:7

Wakakusha bashikaswa baanji mubantu, kabooloma pakubakusha alimwi bayuminite mibili abalema myeendo bakaba kabotu.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.

Milimo ya Batumwi 2:41

Mpeeke bantu baanji bakashoma maswi akaamba Pita. Lyalo bakabombekwa. Alimwi pabushiku bweenka ubo, bantu aba bakaba mulikoto lyabo mpashi bakalinga shuulu shotatwe.

Milimo ya Batumwi 4:4

Sombi bantu baanji bakanyumfwa kushimikila kwakwe Pita aJoni bakashoma. Mpeeke basankwa bakashoma bakashika mpashi shuulu shosanwe.

Joni 16:7

Ntoomulwiita calushinisho ayi ncibotu abuumbi kuli ndimwe kwaamba ayi nje. Mukwiinga na mbule kuya Mucafwi teshi akese kuli ndimwe. Sombi na nje, ndaakumutuma kuli ndimwe.

Milimo ya Batumwi 2:33

Wakasumpulwa akuba kulubasu lwalulyo lwakwe Lesa akutambula Mushimu Usalashi kuswa kuli Lesa Ishi, kweelana ambwaakamushomesha. Ishi nshemutoobona akunyumfwa, ncipo ca Mushimu Usalashi Jesu ncaatila pali ndiswe.

Joni 7:39

Ndyaakaamba boobo, wakalinga kwaamba Mushimu Usalashi uyo ngweshi bakatambule abo boonse bashoma muli nguwe. Paciindi ico kabatana kutambula Mushimu Usalashi mukwiinga Jesu kaatana kwinjila mubulemu bwakwe.

Joni 7:33

Jesu wakaamba ayi, “Ndanooli amwebo kwa ciindi ciniinibo kaantana kuya kuli wooyo wakantuma.

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Milimo ya Batumwi 6:7

Lyalo maswi akwe Lesa akanyumfwika kubantu baanji. Mpeeke bashomi bakalinga kuya bufulilakobo alimwi bapailishi baanji bakashoma Makani Abotu.

Milimo ya Batumwi 4:16

Bakatalika kwiipushanya ayi, “Ino tutoobacita buyani bantu aba? Boonse bantu muJelusalemu balishi kwaamba ayi Pita aJoni mbobakacita caankamiko ici, aswebo inga tatukakiiwo.

Joni 14:28

Mwanyuumfwa ndindalinga ndaamba ayi, ‘Ntooya, sombi ndaakwisa alimwi kuli ndimwe.’ Nemwalinga kunsuni, naakwiinga mwakondwa ceebo ntooya kuli baTa abo beenda pali ndime.

Milimo ya Batumwi 10:46

mukwiinga bakabanyumfwa kabaamba mishobo yeensu akulumbaisha Lesa pashintu shinene nshaacita. Lyalo Pita wakaamba ayi,

Milimo ya Batumwi 4:33

Batumwi bakalinga kwaambilisha cankusu kubantu boonse ayi Mwaami Jesu wakabuka kuswa kubafu alimwi Lesa wakalinga kubapa shoolwe abuumbi.

Maako 11:13

Mpeeke wakabona mukuyu palaale kakuswite amatewu. Lyalo wakaya mukubonaamo ayi mpashi inga wacanaamo nkuyu. Sombi ndyaakashika mucisamu, wakacana taamu. Kwakalinga kuswitebo matewu mukwiinga tecakalinga ciindi ca nkuyu.

Joni 4:37

Kashimpi kakwaamba ayi, ‘Shikushanga ngumbi alakwe shikutebula ngumbi’, nkalushinisho.

Joni 5:20

Mukwiinga baIshi balisuni Mwaana, aboobo balamutondesha shoonse nshebacita. Balaakutondesha Mwanaabo ashimwi shiinda waawa, lyalo mulaakukankamana.