Joni 13:5 - Baibo Busansulushi Bwa Libuku Ili

⁵ Kuswawaawo wakabika maanshi mumbale yakusambilaamo, akutalika kusansha bashikwiiya bakwe kushimpanta akubakunkumuna acisani ceenka ico.

Joni 13:5 Referans Kwoze

Luka 7:44

Mpeeke wakalanga kumwanakashi uyo akwaambila Simoni ayi, “Sa wamubona mwanakashi uyu? Mbondashikila muŋanda yako tookwe kumpaawo maanshi akusamba kushimpanta. Sombi lakwe wasansha shimpanta shangu aminsonshi yakwe akushipukuta amisusu yakwe.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Matalikilo 19:2

akwaamba ayi, “Nobamaami bangu, nebo ndiwaano kwaamba ayi mucaafwe. Ndasengesha ayi tushike kuŋanda yangu. Inga mwasambaako kushimpanta alimwi akoona kwaamba ayi ciilo mukafumebo kunooya palweendo lwanu.” Sombi bakakumbula ayi, “Ne, tutokoona pansengwe mweenka muno mundabala inene.”

1 Timoti 5:10

ucite mpuwo ibotu ya milimo yakwe. Ulyeelete kuba mwanakashi wakakusha kabotu bana bakwe, wakalinga kutambula beensu muŋanda yakwe, wakalinga kucita milimo yakulibombya kubashominyina, wakalinga kucafwa bantu mumapensho alimwi wakalibenga kucita shintu shibotu.

Matalikilo 18:4

Amuleke kuletwewo tumaanshi musambe kushimpanta. Amookeshe mucisamu umu.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

Bene Efeso 5:26

kwaamba ayi acisalashe. Wakacisalasha ndyaakacisansha amaanshi kwiinda mumaswi akwe.

1 Bene Kolinto 6:11

Ubo mbobabete bamwi pakati kanu. Sombi bulya mwakasanshikwa mwasalashikwa alimwi mwakalulamikwa muliina lya Mwaami Jesu Klistu aMushimu wakwe Lesa.

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’

2 Baami 3:11

Sombi mwaami Jeoshafati wakeepusha ayi, “Sa kuliiwo mulaluki wa Mwaami Lesa weenga watwiipushishaako kuMwaami Lesa?” Lyalo mutanjilili umwi wa bashilumamba bakwe Jolamu wakakumbula ayi, “Elisha mwanaakwe Shapati nkwaali. Wakalinga kucafwa Elija.”

1 Samwelo 25:41

Mpomunyaawo Abigelo wakafukama cakushisha ciwa panshi akwaamba ayi, “Nebo nemusebenshi wanu ndilibambite nabi kusansha shimpanta sha basebenshi ba mwaami wangu.”

Bene Lefi 14:8

Mpomunyaawo muntu uyo ulyeelete kucapa shakufwala shakwe, kukulula misusu yakwe yoonse alimwi akusamba pamubili. Lyalo ulaakunoosalalite kweelana aMilawo. Inga wenjila amumisumba, sombi ulyeelete kwikala pansengwe lya tente yakwe kwanshiku shosanwe ashobilo.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.

Joni 19:34

Sombi umwi wa bashilumamba wakayasa Jesu lisumo kumbafu. Mpeeke bulowa amaanshi shakeendililabo kuswa.

Luka 7:38

Wakashika weemikana kwisule lyakwe Jesu pafwaafwi ashimpanta kaalilabo buumpute. Wakatontosha shimpanta shakwe Jesu aminsonshi yakwe akutalika kwiipukuta amisusu yakwe. Mpeeke wakafyonta shimpanta akushitila mafuta ayo.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Isaya 1:16

Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Kulonga 29:4

“Mpeeke ukalete Aloni alimwi abana bakwe basankwa kumulyango wa Tente ya Cipangano akubalwiita ayi balisalashe amaanshi.

Joni 13:10

Jesu wakamwaambila ayi, “Muntu wasamba kale watuba. Taaku ceebo nceenga wayandila kusamba, sombibo kushimpanta kweenka. Noonse mwatuba kukushakobo womwi.”

Joni 13:8

Pita wakaamba ayi, “Tamweelete kunsansha, sobwe!” Jesu wakamukumbula ayi, “Na mbule kukusansha, teshi unoocili shikwiiya wangu.”

Matalikilo 43:24

Musebenshi wakabatola muŋanda. Wakabapa maanshi akusamba kumyeendo alimwi mbongolo shabo wakashisanina.

Boomboloshi 19:21

Aboobo wakabatola kuŋanda yakwe akusanina mbongolo shabo. Abalo beensu bakasamba kumyeendo, lyalo wakabapa cakulya.

Joni 13:6

Ndyaakashika pali Simoni Pita, lakwe wakeepusha Jesu ayi, “Nkambo, sa inga mwansaansha kushimpanta?”