Joni 13:21 - Baibo Busansulushi Bwa Libuku Ili

²¹ Mpeeke Jesu ndyaakamana kwaamba boobo, wakapenshekwa abuumbi mumoyo akubaambila patuba ayi, “Ntoomulwiita calushinisho ayi womwi pakati kanu utoongaba.”

Joni 13:21 Referans Kwoze

Mateyo 26:21

Ndibakalinga kulya, Jesu wakaamba ayi, “Ntoomulwiita calushinisho ayi umwi mulikoto lyanu utoongaba.”

Joni 13:18

“Nshintokwaambila noonse, sombi ndibeshi abo mbondakasala. Ishi shacitika kweelana aMalembo akwe Lesa akwaamba ayi, ‘Uyo ngondakalinga kulyaakwe mbale yomwi wakambukila.’

Maako 14:18

Ndibakalinga kushiite kabalya, Jesu wakaamba ayi, “Ntoomulwiita calushinisho ayi umwi wa mulikoto lyanu ngoontoolyaakwe, utoongaba.”

Joni 12:27

“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.

Joni 11:33

Mpeeke Jesu ndyaakabona Maliya kaalila alimwi abaJuda abo mbaakesaabo abalo kabalila, wakacatwa buumba akupenshekwa abuumbi.

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Milimo ya Batumwi 17:16

Paulo ndyaakalinga kulindila Sailasi aTimoti muAtenisi, wakapenshekwa abuumbi mumoyo pakubona ndabala inene yoonse kaiswite shibumbwabumbwa nshebakalinga kulambila.

Joni 13:2

Jesu abashikwiiya bakwe ndibakalinga kulya mulalilo, Mubiibi wakalinga wabika kale muyeeyo muli Judasi, mwanaakwe Simoni Isikalyoti, wakaaba Jesu kubalwani.

Joni 11:38

Jesu kaacicite buumba alimwi akupenshekwa mumoyo wakashika kucuumbwe. Cakalingabo cimfwengo kakucalitwe libwe.

Joni 11:35

Jesu wakalila.

Maako 3:5

Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Mateyo 26:38

Mpomunyaawo wakabaambila ayi, “Moyo wangu wacatwa buumba bwakuyanda kuncaya. Amwikale pano munoolindilila kamulibambite pantu pomwi anebo.”

Joni 13:22

Bashikwiiya bakwe bakatalika kulanganalangana, kabateshi na ngani ngwaakalinga kwaamba.