Joni 13:19 - Baibo Busansulushi Bwa Libuku Ili

¹⁹ Ndamulwiitila limwi ici kacitana kucitika kwaamba ayi caakucitika mukashome kwaamba ayi, ‘Ndime wooyo ngoombete!’

Joni 13:19 Referans Kwoze

Joni 14:29

Ono ndamulwiitila limwi kashitana kucitika kwaamba ayi shaakucitika mukashome.

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Joni 16:4

Sombi ndamulwiitila limwi shintu ishi ayi ciindi caakushikila mukeebaluke ayi ndakamulwiitaawo kale. “Kumatalikilo nshikwe kumulwiitila limwi makani aya ceebo ndakalingaanu.

Isaya 48:5

Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’

Joni 8:58

“Ntoomulwiita calushinisho ayi Abulaamu kaatana kushalwa, nebo kaandiiko kale.”

Mateyo 24:25

Amunyumfwishe mukwiinga nebo ndamulwiitilabo limwi shintu shoonse kashitana kucitika.

Mateyo 11:3

mukwiipusha ayi, “Sa ndimwe baabo mbwaakaamba Joni ayi balaakwisa nabi tunoocilangila umwi?”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Joni 1:15

Joni wakapa bukamboni pali nguwe akoolobesha ayi, “Ngowooyu uyo ngondakalinga kwaamba ayi, ‘Utoosa pesule lyangu uleendaawo nkusu pali ndime mukwiinga wakalingaako nebo kaantana kushalwa.’ ”

Luka 21:13

Ici cilaakuba nceciindi ca kwaambilisha Makani Abotu pameenso abo.

Isaya 41:23

Kamwisa mutwaambile sheshi shikacitike kunshiku sha kunembo kwaamba ayi twishibe ayi ncakwiila muli balesa. Tubone amucitewo cintu comwi cibotu nabi cibiibi kwaamba ayi tukankamane akunyumfwa boowa.

Joni 4:26

Jesu wakaamba ayi, “Nebo nentokwaamba awebo ndime wooyo ngootokwaamba.”

Joni 8:28

Aboobo Jesu wakabaambila ayi, “Mwaakwaanjika MwanaaMuntu, ndyeshi mukashibe ayi ndime wooyo ngoontoolyaamba alimwi mulaakwishiba ayi taaku nceencita palwaangu, sombi ndaambabo sheesho shakanjiisha baTa.