Joni 12:43 - Baibo Busansulushi Bwa Libuku Ili

⁴³ Bamaloba aba bakalinga kusuni kulumbaishikwa abantu kwiinda kulumbaishikwa aLesa.

Joni 12:43 Referans Kwoze

Joni 5:44

Ino ono inga mwashoma buyani na mulisunibo kulilumbaisha nobeene, sombi kamutasuni ayi mulumbaishikwe kuli Lesa womwibo eenka?

Joni 5:41

“Nebo nshisuni kulumbaishikwa kubantu.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

1 Bene Tesalonika 2:6

Tatukwe kuyanda ayi muntu uli woonse atulumbaishe, mwebo nabi bamwi.

2 Bene Kolinto 10:18

Mukwiinga teshi wooyo ulilumbaisha mwiine utambulwa, sobwe. Sombi ngooyo Mwaami Lesa ngwaalumbaisha.

Mateyo 6:2

“Paceebo ceeco, pakupa shintu kubantu bapengete, mutoolobeshi kubantu boonse mushoonde amunshila, mbuli bucita bantu baamba nshebataciti, ayi babaluumbe. Ntoomwaambila calushinisho ayi abo balo batambula kale cilambu cabo.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 8:54

Jesu wakakumbula ayi, “Ono na ntoolipa bulemu nemwiine, ingayi bulemu bwangu taaku mbobubete. Nebo mbaTa abo beenka mbomwaamba ayi ngoLesa wanu, mbobampa bulemu.

Luka 19:17

Mpomunyaawo wakamwaambila ayi, ‘Wakacita kabotu omusebenshi mubotu! Ono mukwiinga washomeka mushintu shiniini utooba mweendeleshi wa mandabala anene ali likumi.’

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.

1 Pita 3:4

Sombi akube kwa mukati mumoyo. Uku nkokulibotesha kutamaani, kwa buumi bwakuteekanya akulibombya. Buumi bwa mushobo wooyu Lesa mbwaabona ayi bulicite makwebo abuumbi.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

1 Samwelo 15:30

Saulo wakakumbula ayi, “Ee, ndakabisha. Ono ndaseenga mumpeeko bulemu pameenso a bamaloba ba bantu bangu alimwi apameenso a bene Isilaeli boonse. Amuboolele anebo kwaamba ayi nkalambile Mwaami Lesa, Lesa wanu.”

Tushimpi 29:25

Kuloonda muntu kuli anga nkoose, anu kubula cakulisukama nkucinkabo manungo muMwaami Lesa.

Joni 7:18

Muntu waambabo shaakwe ulisuni kulemekwa mwiine. Sombi uyo usuni kwaamba ayi uyo wakamutuma alemekwe, ngooshomeka alimwi taamu bubeshi muli nguwe.

Bene Loma 2:29

Anu muJuda wancinencine ngooyo muJuda mumoyo. Akwalo kupalulwa kwancinencine nkooko kwa mumoyo kucitikwa aMushimu Usalashi. Kupalulwa uku takucitwi ceebo muntu wacita bwaamba Milawo. Muntu wa mushobo wooyo umulumbaisha nguLesa, teshi bantu, sobwe.