Joni 12:2 - Baibo Busansulushi Bwa Libuku Ili

² Kundabala uko Jesu bakamubambila cakulya ca macolesha, Malita nguwakalinga kubapa. Lasalo wakalinga womwi wa baabo bakalinga kulya aJesu.

Joni 12:2 Referans Kwoze

Ciyubululo 3:20

Bona, ndiimfwi pamulyango ntookonkoonsha. Uyo woonse weshi anyumfwe liswi lyangu akucalula cisasa, ntoonjila muŋanda yakwe, kwaamba ayi nebo anguwe tulite pantu pomwi.

Luka 22:27

Ino munene ngani? Sa ngulya uletelwabo shakulya na ngumusebenshi shikubamba shakulya? Ncakwiila ngooyo uletelwabo. Sombi nebo kuli ndimwe ndi anga ngumusebenshi.

Maako 14:3

Jesu wakalinga kundabala ya Betani, muŋanda yakwe Simoni wiitwa ayi shimanata. Ndyaakalinga kulya, kwakesa mwanakashi umwi wakalinga kucite musaashi wakapangwa kulibwe lya alabasita, kauswite mafuta anunkila kabotu amakwebo eetwa ayi nadi. Mpomunyaawo mwanakashi uyo wakapwaya musaashi, akupuumwiita mafuta pamutwi wakwe Jesu.

Luka 14:12

Lyalo Jesu wakaambila wakabeeta uyo ayi, “Na mweeta bantu mukulyaanu cakulya ca malumwi nabi ca macolesha, muteeti babyaanu, banandumi shanu, bakwabanu nabi beshimukobonyinaanu babile, mpashi abalo inga bamwiita bweenka ubo, aboobo mulaakulipilwa paceeco ncemwaacita.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Luka 5:29

Lefi wakabamba shakulya shiinji kwaamba ayi basekelele aJesu muŋanda yakwe. Kwakalinga beshikusonkesha abantu bamwibo bakacanikaawo akulya pantu pomwi ambabo.

Mateyo 26:6

Jesu wakalinga kundabala ya Betani muŋanda yakwe Simoni wiitwa ayi shimanata.

Lwiimbo lwakwe Solomoni 4:16

Pupa omuuwo wakumatwa awebo omuuwo wakumalenge! Amupuupile pamuunda wangu, kwaamba ayi bweema bubotu buyebo cishi coonse. Usunikwi wangu eese kumuunda wakwe akulya shisepo shiswa muli nguwo shiindaawo kubota.