Joni 12:13 - Baibo Busansulushi Bwa Libuku Ili

¹³ Lyalo bakatema malala akumucinsha munshila, kabaya coolobesha ayi, “Alumbaishikwe Lesa! Aape coolwe kuli wooyo utoosa muliina lya Mwaami Lesa! Aape coolwe Mwaami wa Isilaeli!”

Joni 12:13 Referans Kwoze

Ciyubululo 15:3

Bakalinga kwiimba lwiimbo lwakwe Mose musebenshi wakwe Lesa alimwi alwiimbo lwa Mwanaambelele ayi, “NoBaami baLesa Beshinkusu shoonse, micito yanu njinene alimwi ilakankamika abuumbi! NoBaami baLesa ba mishobo yoonse ya bantu, nshila shanu shililuleme alimwi nshalushinisho!

Ciyubululo 7:9

Lyalo ndindakalangilisha kunembo, ndakabona likoto lya bantu baanji batakoonshi kubelengwa. Bantu abo bakaswa kushikanda shoonse, kumikowa yoonse, kumishobo yoonse alimwi akumilaka yoonse. Bakeemikana kunembo lya cuuna ca bwaami alimwi aMwanaambelele, kabafwete shisani shituba alimwi kabacite amalala mumaansa.

Joni 1:49

Natanaelo wakakumbula ayi, “NoBafundishi, ncakwiila muli Banababo baLesa! Muli Baami ba bene Isilaeli!”

Mateyo 23:39

Ntoomulwiita calushinisho ayi teshi mukamboneewo alimwi kushikila mukaambe ayi, ‘Ulicite coolwe uyo utoosa muliina lya Mwaami Lesa.’ ”

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Joni 19:15

Balo bakoolobesha ayi, “Aacaikwe, aacaikwe, aapopwe pamucilingano!” Pilato wakabeepusha ayi, “Sa mulisuni ayi mpope mwaami wanu pamucilingano?” Bamatanjilili ba bapailishi bakakumbula ayi, “Taaku aumwi mwaami ngotucite, eenkabo muleli munene wa kuLoma.”

Sefaniya 3:15

Mwaami Lesa wakacileka kukupa mulandu. Wakatandaanya balwani bako boonse. Mwaami Lesa, Mwaami wa bene Isilaeli, uli awebo. Teshi ukaloondewo tubili cibiibi cili coonse ceshi cikakupolele.

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”

Isaya 44:6

Ono Mwaami Lesa, Mwaami wa bene Isilaeli, ee, Mupulushi wabo, ngweeke ngoMwaami Lesa Shinkusu shoonse, waamba ayi, “Ndime mutaanshi alimwi awakweelaako. Taaku Lesa aumwi kulekabo ndime.

Bene Lefi 23:40

Pabushiku ubo, mukayape shisepo shimwi shibotu abuumbi kuswa kushisamu shanu, mukateme malala alimwi amisampi icite matewu aanji, akutalika kusekelela ayi mundemeke nebo neMwaami Lesa, Lesa wanu.

Joni 12:15

“Utaloondi, ondabala inene ya Siyoni! Bona mwaami wako ngooyo utoosa, Kaatantite pamwanaambongolo.”

Mateyo 27:42

“Wakalinga kupulusha bamwi, sombi waalilwa kulipulusha mwiine. Sa te ngomwaami wa Isilaeli? Aaseluke ono pamucilingano kwaamba ayi tushome muli nguwe.

Joni 12:14

Jesu wakacana mwanaambongolo akutantaawo kweelana ambokwakalembwa mumalembo akwe Lesa ayi,