Joni 10:4 - Baibo Busansulushi Bwa Libuku Ili

⁴ Na washikusha ulashitanjilila ashalo shilamukonkela mukwiinga shilishi liswi lyakwe.

Joni 10:4 Referans Kwoze

Dutolonomi 1:30

Mwaami Lesa, Lesa wanu utoomutanjilila alimwi utoomulwaninaako bweenka mbomwakabona kaacita muIjipiti

Joni 10:16

Nkoshili ashimwi mbelele shiteshi sha mucimpati ici. Ndyeelete kushileta ashalo. Ncakwiila ashalo shilaakunyumfwa liswi lyangu alimwi shilaakuba litanga lyomwi amweembeshi womwi.

Joni 12:26

Uyo woonse utooyanda kusebensela ndime, ulyeelete kunkonkela kwaamba ayi nkweenga kaambete, alakwe musebenshi wangu akanooliiko. Abalo baTa balaakupa bulemu muntu woonse usebensela ndime.

Joni 18:37

Aboobo Pilato wakeepusha ayi, “Nkokwaamba ayi uli mwaami?” Jesu wakakumbula ayi, “Waamba kabotu pakwaamba ayi ndi mwaami. Ncakwiila nceceeco ncendakashalilwa alimwi ncendakeshita mucishi ca panshi. Ndakesita kusansulula shalushinisho. Woonse uyo uli kulubasu lwa lushinisho, ulanyumfwa nsheŋamba.”

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.

1 Bene Kolinto 11:1

Munoonkonkela ndime bweenka anebo mboonkonkela Klistu.

Joni 10:8

Boonse abo bakesa nebo kaantana kwisa, mbeepi alimwi mbapambi, ashalo mbelele tashikwe kubanyumfwila.

Mateyo 16:24

Lyalo Jesu wakaambila bashikwiiya bakwe ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe akunkonkela.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 6:20

Ceebo ca ndiswe, Jesu wakatutanjilila kwinjila mumusena usalalite uyo akuba Mupailishi Munene wamuyayaya, bupailishi buli mbuli bwakwe Melikisedeki.

Bene Efeso 5:1

Ono mukwiinga muli bana bakwe Lesa abo mbaasuni, mulyeelete kukonkela mibo yakwe.

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Lwiimbo lwakwe Solomoni 2:8

Ndanyumfwa liswi lya usunikwi wangu! Bona! Ngulya waashika, utoosa cisotooka mutulundu tunene, ee, kwisa cicica mutulundu tuniini.

Joni 13:15

Ono ndacita citondesho kwaamba ayi amwebo mulyeelete kunoocitila bamwi bweenka mbondamucitila.

1 Pita 4:1

Ono mukwiinga Klistu wakapenshekwa mumubili, amwebo mulyeelete kuliyumyayumya kwiinda mumuyeeyo ngomunya wakalinga kucite Klistu ceebo uyo woonse upenshekwa, teendeleshekwi abubi.

Lwiimbo lwakwe Solomoni 5:2

Ndakoona, sombi moyo wangu koocilasha. Ndakalota ayi usunikwi wangu wakonkoonsha kucisasa cangu. Wakaamba ayi, “Ncalwite njile omweensuma, osunikwi wangu, ompolobe yangu, webo otacite nabi pomwi mpootaboneki kabotu. Mutwi wangu watontola kumume, ayalo misusu yangu yaba akatoonto kushikunku.”

Joni 10:3

Shikulindilila cimpati ulamucalwita ashalo mbelele shilanyumfwa liswi lyakwe. Mpeeke mbelele shakwe ulashiita meena akushitanjilila kumafulo.

Joni 10:5

Mweensu inga tashimukonkeli napaceyi, sombi lakwe shilamuloonda mukwiinga liswi lyakwe tashilishi.”

Joni 10:27

Mbelele shangu shilanyumfwa liswi lyangu, ndishishi ashalo shilankonkela.