Joni 1:12 - Baibo Busansulushi Bwa Libuku Ili

¹² Sombi kubaabo boonse bakamutambula akumushoma, wakabapa nkusu shakuba bana bakwe Lesa.

Joni 1:12 Referans Kwoze

Bene Galatiya 3:26

Mwebo noonse muli bana bakwe Lesa mukwiinga mulashoma muli Klistu Jesu.

Bene Loma 8:14

Mukwiinga abo batanjililwa aMushimu wakwe Lesa, mbana bakwe Lesa.

1 Joni 3:1

Amubone lusuno lwa Bamashali besu bakulukulu mbolubete kukomena pali ndiswe! Cakutubanda ayi tuli bana bakwe Lesa! Ncakwiila tuli bana bakwe. Bantu ba mucishi ca panshi tabatwishi ceebo Lesa tebakalinga kumwishi.

Bene Galatiya 4:6

Ono mukwiinga tuli bana bakwe, Lesa wakatuma Mushimu wa Mwanaakwe mumyoyo yesu. Walo ngoolengesha kwaamba ayi katwiita ayi, “Aba!” nkokwaamba ayi, “Ta!”

Joni 3:18

Nkokwaamba ayi uyo woonse ushoma muli nguwe taomboloshekwi, sombi uyo woonse utashomi woomboloshekwa kale mukwiinga taakwe kushoma Mwanaakwe Lesa uyo wakashalwa eenkabo.

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

Mateyo 10:40

“Uyo woonse utambula ndimwe, ulatambula ndime alimwi uyo utambula ndime, ulatambula baTa abo bakantuma.

Isaya 56:5

balaakunookwiibalukwa kwaciindi cilaamfu muŊanda yangu apakati ka bantu bangu kwiinda mbobalinga kweelete kwiibalukwa na kabacite baana. Ndaakubapa liina litakoonshi kulobeshekwa.”

Joni 20:31

Sombi ishi shakalembwa kwaamba ayi mushome ayi Jesu ngoUsalitwe, Mwanaakwe Lesa alimwi ayi kwiinda mukumushoma, mube abuumi butamaani.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

2 Pita 1:4

Kwiinda muli nshisho, wakatupa shipo shinene alimwi shibotu abuumbi isho nshaakashomesha kwaamba ayi kwiinda mushipo ishi, mukapulushikwe kubunyonyooshi bwa lunkumbwa buli mucishi ca panshi akutambula buumi bwa buLesa.

Mateyo 12:21

Muli nguwe baswamashi boonse bakunsengwe mweshi bakabe akulangila.”

1 Joni 3:23

Lesa wakatupa mulawo wakwaamba ayi tushome muMwanaakwe Jesu Klistu alimwi akusunana kweelana aKlistu mbwaakatulwiita.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Milimo ya Batumwi 3:16

Musankwa uyu ngomubwene alimwi ngomwishi, wayuma kwiinda mukushoma liina lyakwe Jesu. Ncakwiila ndushomo lwakwe muli Jesu lwalengesha kwaamba ayi ayume cancinencine kweelana ambomubwene noonse.

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Joni 1:7

Uyo wakesa mukuba kamboni wa Mumuni, kwaamba ayi bantu boonse banyumfwe makani akwe akwaashoma.

Mateyo 18:5

Uyo woonse utambula mwanike wa mbuli wooyu muliina lyangu, ulatambula ndime.

Joni 2:23

Jesu ndyaakalinga muJelusalemu, pabushiku bwa Pasika bwakwiibaluka kusotokela, bantu baanji bakamushoma ndibakabona shaankamiko nshaakacita.

Joni 1:11

Wakesa mucishi cine mishaabo, sombi bene mishaabo baanji tabakwe kumutambula.

Bene Loma 8:16

Mushimu wakwe Lesa wiine ulasuminishanya amyoyo yesu ayi tuli bana bakwe Lesa.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

1 Joni 3:2

Nobeensuma, bulya tuli bana bakwe Lesa, sombi tacishibikitwe kabotu mbweshi tukabe. Sombi tulishi kwaamba ayi na Klistu akaboneke, tulaakuba bweenka mbuli nguwe mukwiinga tulaakumubona bweenka mbwaabete.

1 Joni 3:10

Anu bupusano buliiwo pakati ka bana bakwe Lesa abana ba Mubiibi mboobu. Uyo woonse utaciti shiluleme nabi utasuni mubye, teshi mwanaakwe Lesa.

2 Samwelo 7:24

Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.