Jona 1:4 - Baibo Busansulushi Bwa Libuku Ili

⁴ Mpeeke Mwaami Lesa wakatuma cipuupu cinene palweenge. Lyalo kwakaba maaba ayoosha cakwaamba ayi bwaato bwakalinga kusuni kupasuka.

Jona 1:4 Referans Kwoze

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

Kulumbaisha 135:7

Ngoonyamuna makumbi kuswa kweela cishi, ngoolengesha kubeka kwa mfula pakuloka, alimwi ngooleta muuwo kuswa kumatala akwe.

Kulonga 10:19

Alakwe Lesa wakaalula muuwo wakwicwe kuba muuwo wakumbo uyo wakapupa cankusu akutola nsoshi shoonse muLweenge Lusalala. Anu taaku nsoshi nabi yomwi yakacaala mucishi ca Ijipiti.

Shakubelenga 11:31

Paciindi ceenka ico Mwaami Lesa wakatuma muuwo uyo wakaleta bakancele kuswa kulweenge. Mpobakalinga kweendela kuswa panshi apeculu pakalinga kulaampabo mita yomwi. Bakekala pamisumba alimwi akuyabo kwamakilomita aanji kumbasu shoonse.

Kulonga 15:10

Sombi ndimwakayoyabo linkanda lyomwi, maanshi akafwekelesha bene Ijipiti boonse. Ncakwiila bakepilabo anga nceela panshi lya maanshi ayo aloondesha.

Kulonga 14:21

Mpeeke Mose wakatandabika lyaansa lyakwe palweenge, alakwe Mwaami Lesa wakapansaanya maanshi kwiinda mumuuwo wakapupa kuswa kwicwe. Muuwo uyo wakapupa mashiku oonse, lyalo palweenge pakaboolabo nta. Maanshi akapansaana.

Kulonga 10:13

Aboobo Mose wakatandabika nkoli yakwe pacishi ca Ijipiti. Mpeeke Mwaami Lesa wakalengesha kwaamba ayi muuwo wakwicwe utalike kupuupila cishi ico malumwi alimwi amashiku oonse. Ndibwakaca, muuwo uyo wakaleta nsoshi.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Jelemiya 51:16

Na waluluma, maanshi a mwiculu alayooma. Ulalengesha makumbi kunyamuka kuswa mweela cishi ca panshi. Lyalo ulalengesha kubeka mumfula akuleta muuwo kuswa mumisena yakwe yakusungilamo shintu.

Kulumbaisha 148:8

Amumulumbaishe mwebo nokubeka kwa mfula, nomfula ya mabwe, nocaandwa, nomakumbi alimwi anomyuuwo iyoosha inyumfwila milawo yakwe.