Jona 1:3 - Baibo Busansulushi Bwa Libuku Ili

³ Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Jona 1:3 Referans Kwoze

Joshuwa 19:46

Me Jakoni alimwi aya Lakoni pantu pomwi amusena wakalinga kushingulukite Jopa.

Matalikilo 4:16

Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

Milimo ya Batumwi 9:36

Mundabala ya Jopa mwakalinga kwikala mwanakashi wakalinga kushoma muli Jesu wiitwa ayi Tabita (muciGiliki liina lyakwe nguDokasi nkokwaamba ayi nalufwi). Mwanakashi uyu wakalinga kucita milimo ibotu lyoonse akunoocafwa bakandu.

Milimo ya Batumwi 9:43

Kuswawaawo, Pita wakekala nshiku shiinji muJopa kumusankwa wiitwa ayi Simoni shikunyuka mpaya.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Isaya 23:6

Amoolome akulila cabuumba mwebo nobantu ba pansumbu. Amusubukile kuTashishi muloboke.

Isaya 23:1

Aya ngamaswi aamba pacishi ca Taya. Amoolome akulila cabuumba nobeshikweensha maato a kuTashishi palweenge! Ndabala ya kucito cine mishaanu ya Taya yanyonyoolwa. Taaku ŋanda yacaala muli njiyo, cito coonse canyonyoolwa. Aya makani bakaanyumfwa pakuboola amaato kuswa kuSaipulasi.

1 Baami 19:3

Elija wakaloonda akuya kuBiyasheba mucishi ca Juda kwaamba ayi alifuune. Wakatola amusebenshi wakwe. Musebenshi wakaya mukumushiya uko kweenka,

2 Bene Tesalonika 1:9

Mulandu wabo ulaakuba kunyonyooka kutamaani. Balaakupansanishikwa kuMwaami wesu Jesu alimwi abulemu bwa nkusu shakwe.

1 Bene Kolinto 9:16

Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

Milimo ya Batumwi 26:19

“Aboobo, nobaami baAgilipa, nshikwe kukaka kunyumfwila ceeco ncendakabona anga muciloto cakaswa kwiculu.

Esekelo 27:12

“ ‘Bene Tashishi bakalinga kucita makwebo andiwe ceebo ca buboni bwako buunji. Bakalinga kuleta silifa, nshimbi, ceela alimwi amuntomfwe mukushintana amakwebo ako.

Isaya 23:10

Amumwaike mucishi canu bweenka busefuka mulonga wa Nailo mwebo nobantu ba kuTashishi. Bulya taaku cintu citoomushinkilisha.

Jobo 1:12

Mpeeke Mwaami Lesa wakaambila Satana ayi, “Ncibotu, buboni bwakwe boonse ndabubika mumaansaako, sombi lakwe mwiine kuteelesha kumukumya.” Mpomunyaawo Satana wakaswaawo pameenso a Mwaami Lesa.

2 Makani 2:16

Mutulundu twa muLebanoni tulaakutimbula shisamu shoonse sha sida nshoosuni akushaanga pantu pomwi mumilwimilwi akushiseelesha mulweenge kushikila akuJopa. Kuswa kooko inga mwashibwesa akushitola kuJelusalemu.”

Milimo ya Batumwi 15:38

Sombi Paulo wakayeeya ayi acaalebo mukwiinga kataanshi wakaboolaamo akubashiya muPamfilya, milimo yabo keetana kumana.

Luka 9:62

Jesu wakamukumbula ayi, “Muntu woonse utalika kulima aŋombe, mpeeke kaacilanga kwisule, Lesa taacitaakwe ncito muBweene bwakwe.”

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 2:16

Ulaakunyonyoola maato amakwebo akuTashishi ee, maato abotu oonse.

Jobo 2:7

Mpomunyaawo Satana wakaswaawo pameenso a Mwaami Lesa akuya mukupa Jobo shilonda mubili woonse.

1 Baami 19:9

Ndyaakashika uko wakenjila mucimfwengo umo mwaakoona bushiku ubo. Mpomunyaawo Mwaami Lesa wakamwaambila cakuteengashila ayi, “Ino utoocitanshi kuno webo Elija?”

Matalikilo 3:8

Bushiku bweenka ubo, macolesha, bakanyumfwa Mwaami Lesa kaaendeenda mumuunda, mpeeke bakamuyuba pakati ka shisamu.

Milimo ya Batumwi 9:38

Ndabala ya Lida yakalinga kubambenebo andabala ya Jopa. Ono bashomi ba muJopa ndibakanyumfwa ayi Pita uli kuLida, bakatuma basankwa bobilo amaswi akwaamba ayi, “Twakombelela mufwambaane kwisa kuno.”

Milimo ya Batumwi 9:42

Cikani ici cakanyumfwika muJopa moonse, mpeeke baanji bakashoma muMwaami Jesu.

Esila 3:7

Bantu bakapa maali akufolesha beshikubesa mabwe abeshikubesa mapulanga. Bakapa ashakulya, shakunwa alimwi amafuta a Olifi kubantu ba kuSidoni alimwi aTaya kwaamba ayi balete shisamu sha Sida kucishi ca Lebanoni kwiinda mulweenge kuya kuJopa, ici cakasuminishikwa aSailasi mwaami wa bene Pesha.

Kulumbaisha 107:23

Bamwi bakeendela mumaato palweenge, kunooya busambala pamaanshi ayoosha.

Jelemiya 10:9

Shibumbwabumbwa shabo balashinanika silifa uswa kuTashishi agolodi uswa kuUfasi. Camana kupangwa kubaabo bacibwene kubesa akufula, balacifwalika shisani shiboneka anga ndiculu alimwi ashifubelafubela. Shisani isho shoonse shilatungwa kubacibwene kutunga.

Jona 1:10

Mpeeke Jona wakabalwiita ayi utooloboka Mwaami Lesa. Lyalo beshikweensha bwaato bakaloonda abuumbi ndibakanyumfwa cikani ici akumwiipusha ayi, “Ino wacitanshi?”

2 Makani 2:15

“Ono sobasebenshi bako bulya tutumine witi, bale, waini alimwi amafuta a olifi isho nshewakashomesha.

2 Makani 9:21

Solomoni wakalinga kucite maato eenda palweenge ayo akalinga kweendela pantu pomwi amaato akwe Ilamu. Lyoonse na peenda myaaka yotatwe akalinga kuboola kaayumwite golodi, silifa, meeca a nsofu, bankontwe abasokwe.

Esekelo 2:8

“Sombi webo omuntu, kutika nsheshi nkulwiite. Utaashuki mbuli bwakaashuka bantu aba. Cenama ulye nceshi nkupe.”