Jobo 9:26 - Baibo Busansulushi Bwa Libuku Ili

²⁶ Sheenda lubilo anga mbwaato bwa mabuba. Sheendabo anga ngucikupwi usuni kufupula cakulya.

Jobo 9:26 Referans Kwoze

Abakuku 1:8

“Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

Isaya 18:2

Kuswa kucishi ico kulatumwa bashinkombe mumaato a matete paMulonga wa Nailo. Ono amuboolele mwebo nobeshinkombe beenda cakufwambaana! Amutole nkombe kubantu balaamfu, bateshimite shikanda alimwi bantu baloondwa cishi coonse. Ee, kumushobo ucite beshinkusu, ncakwiila kucishi cibaanishitwe amilonga.

Malilo 4:19

Abo bantu bakalinga kututandaanya bakalinga kucabeene kwiinda bamumbankwashi mwiculu. Bakatutandaanya kuya mukwiinda mutulundu akutubelamina muluyanga.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Tushimpi 23:5

Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.

2 Samwelo 1:23

“Saulo aJonasani balinga bantu bakondelesha alimwi basunikwi, mubuumi bobilo akubulongo bobilo, basankwa bacabeene anga ngumumbankwashi, bacite nkusu shiinda nkusu sha nkalamu.

Dutolonomi 28:49

Mwaami Lesa ulaakumuletela mushobo umwi kuswa kweela cishi uyo weshi ukese mukumulwana, acishobo cabo teshi mukanoocinyumfwaawo. Balaakwiindililabo kumufukukila anga ngumumbankwashi.