Jobo 9:15 - Baibo Busansulushi Bwa Libuku Ili

¹⁵ Nabi nshicite mulandu nshikoonshi kukumbula Lesa, sombi kumukombelelabo kwaamba ayi anyumfwile nkumbu.

Jobo 9:15 Referans Kwoze

Jobo 10:15

Kulilabo na ndabiisha, ingayi ndalipengela kuli ndimwe. Ono na ndacita ciluleme muloomunabo, taaku ncemwaambawo. Aboobo ndicite nsoni abuumbi ceebo ca mapensho angu.

Jobo 8:5

Ono na webo usandukile kuli Lesa, akumukombelela Shinkusu shoonse ayi akunyumfwile nkumbu,

1 Pita 2:23

Ndibakalinga kumutukana taakwe kubabooshesha. Ndibakamupensha taakwe kubakonga, sombi wakabika shoonse mumaansaakwe Lesa moomboloshi ululeme.

Jobo 22:27

Waakunoopaila, ulaakunookunyumfwa. Ulaakucita nshewakashomesha cakulumbila kuli nguwe.

Jobo 10:2

NobaLesa mutampi mulandu, sobwe. Sombi amundwiite ncendamubishisha.

Jobo 5:8

“Kaandi ndime, nendasandukila kuli Lesa alimwi akumwaambila cikani cangu.

1 Bene Kolinto 4:4

Mumiyeeyo yangu taaku ncentooyeeya ayi ndakabisha. Nakubi boobo ici tacaambi ayi nshicite mulandu. Mwaami Lesa ngooŋombolosha.

Danyelo 9:18

“NobaLesa, amutukutike, amutulangilishe akubona mapensho ayo ngotuliimo alimwi amakatasho ayo ali mundabala iyo iitwa liina lyanu. Tatutoomusenga ceebo cakwaamba ayi tuliluleme, sombi ceebo ca nkumbu shanu shiinji.

Danyelo 9:3

Mpeeke ndakapaila kuMwaami Lesa cakulyaaba, kumukombelela kwiinda mukulikasha kulya, kufwala masaka akwikala mumilota.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Jobo 23:7

Ndi muntu ululeme, ncakwiila naakwiinga ndaya mukupikishanya anguwe uko alakwe naakwiinga waya mukuŋambila ayi nshicite mulandu.

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

Jobo 9:16

Nabi na wansuminisha ayi ŋambe, nshintooshoma ayi inga wanyumfwa maswi angu.

Jobo 9:20

Nabi kaantacite mulandu, maswi angu alo alanyumfwika kuba a bubeshi. Nabi kaantacite kampenda lakwe ulancanina kampenda.

Jobo 9:21

Nabi nshicite mulandu, taaku ncentooyeeya. Ncakwiila buumi bwangu ndabucimwa abuumbi.

Jobo 40:5

Ndakaamba kale lutaanshi, bulya cakamana. Pacecino ciindi taaku nceenga ndaamba.”