Jobo 7:4 - Baibo Busansulushi Bwa Libuku Ili

⁴ Lyoonse na ndoona nkunooyeeyabo ayi, ‘Anu butooca lili?’ Bushiku bulalaampa cakunoosandookabo kushikila bwaca.

Jobo 7:4 Referans Kwoze

Dutolonomi 28:67

Mukwiinga wa sheesho nsheshi mukanoobona, myoyo yanu ilaakunooswa. Na bwaca, mwebo mulaakunooyeeya ayi nikwashiya, alimwi na kwashiya ayi nikwaca bwaangu.

Kulumbaisha 77:4

Wakanengesha kuba acilabila. Ndakaalilwa akwaamba ceebo ca buumba.

Jobo 17:12

Sombi beensuma balaamba munshinshe ayi ngamalumwi. Balaamba ayi mumuni uli pafwaafwi, sombi ndishi ayi ndishiite mumunshinshe.

Isaya 54:11

Mwaami Lesa waamba ayi, “Webo Jelusalemu, ondabala ili mumapensho ayoosha alimwi ootacite shikukuumbulusha. Nebo ndaakuyakulula lwiimbi lwako amabwe abotu amakwebo.

Kulumbaisha 130:6

Moyo wangu utoolindila Mwaami Lesa kwiinda abeshikulindilila mbobalindila kuca kwa bushiku. Ee, kwiinda abeshikulindilila mbobalindila kuca kwa bushiku.

Kulumbaisha 109:23

Ntooya bushiminganabo anga ncimfule ca macolesha. Ntootolaanishikwabo amuuwo anga ncisoshi.

Kulumbaisha 6:6

Buumba bwandemya cakunkopola, lyoonse mashiku ndalila cakutontosha bulo bwangu, ncakwiila ndatontosha mutaamino wangu kuminsonshi.

Jobo 30:17

Mafuwa angu atoopwayooka mashiku oonse, ashalo shitoocisa tashitooboolawo pesule, sobwe.