Jobo 7:18 - Baibo Busansulushi Bwa Libuku Ili

¹⁸ Mulamusompasompa lyoonse macuunsa akumweelesha ciindi aciindi.

Jobo 7:18 Referans Kwoze

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.

Jelemiya 9:7

Paceebo ceeco Mwaami Lesa Shinkusu shoonse waamba ayi, “Bona, ndaakubabotesha akubeelesha, mukwiinga taaku cimwi nceenga ndacita pashibiibi sha bantu bangu.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Danyelo 12:10

Bantu baanji balaakusalashikwa, kulengeshekwa kubula tumpenda akuboteshekwa cakumaninina, sombi bamucita shibi balaakutolelela kuba bamucita shibi. Taaku mucita shibi nabi womwi weshi akanyumfwe, sombi basongo balo balaakunyumfwa.

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Jobo 14:3

NobaLesa, sa mwebo mulalanga muntu uli mbuli wooyo? Sa mulamuleta akunembo lyanu ayi mumoomboloshe?

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Matalikilo 22:1

Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Sefaniya 3:5

Sombi Mwaami Lesa ululeme ucili mundabala iyo. Ulacita bululami, taaciti shilubo. Uloombolosha cakutanyengelela bushiku abushiku. Ciindi coonse taalilwi kucita boobo. Sombi bataluleme balabisha cakubula nsoni.

Kulumbaisha 73:14

mukwiinga ndacana mapensho lyoonsebo. Macuunsa kulila bwaca ndapenshekwa.