Jobo 7:15 - Baibo Busansulushi Bwa Libuku Ili

¹⁵ Paceebo ceeco ndayeeyabo kushinwa akufwa kwiinda kunoocili muumi mumubili uyu utoopenga.

Jobo 7:15 Referans Kwoze

Mateyo 27:5

Mpomunyaawo Judasi wakawaala maali alya panshi muŊanda yakwe Lesa, akuswa waya mukulyaangilila.

2 Samwelo 17:23

Ono Ayitofelo ndyaakabona ayi muyeeyo wakwe wakakwa, wakabika cakwikalaawo pambongolo yakwe akuya kuŋanda yakwe mundabala ine mishaabo. Mpeeke ndyaakamana kubamba shakalinga kweelete muŋanda yakwe, wakalyaangilila. Aboobo wakafwa akubikwa mucuumbwe ca baishi.

Ciyubululo 9:6

Ono mumyeenshi yosanwe iyi, bantu balaakunooyandoola lufu, sombi teshi bakalucaneewo. Balaakusuna kufwa, sombi lufu lulaakubacica.

Jobo 7:14

mwebo mulanjoosha kwiinda mumaloto abiibi, ee, mulanjoosha mushili anga nshiloto.

Jobo 7:16

Buumi bwangu ndabucimwa abuumbi cakwaamba ayi nshisuni akunoocili muumi. Amundekebo nemwiine mfwe ceebo buumi bwangu tabucite mpindu.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Jona 4:3

Ono noBaami baLesa, amuncayebo. Ceebo ncibotu kwaamba ayi mfwe kwiinda kunooli muumi.”

Jobo 3:21

Lufu talushiki kuli baabo balulila, ee, baluyandoola mbuli buboni bushisitwe.

Jobo 3:22

Balasangalala abuumbi ee, balasangalala na bashika mucuumbwe.

Jobo 9:21

Nabi nshicite mulandu, taaku ncentooyeeya. Ncakwiila buumi bwangu ndabucimwa abuumbi.

Shikushimikila 2:17

Kuswawaawo buumi ndakabupata ceebo milimo icitwa pacishi ca panshi yakandetelabo mapensho. Yoonse taaku mboibete, yakababo anga nkutandaanya muuwo.

Jona 4:8

Ono lisuba ndilyakatanta, Lesa wakatuma muuwo wakwicwe ulungula, alimwi lisuba lyakabalila pamutwi wakwe Jona, kaasuni kuwisuka. Aboobo wakalinga kuyanda kufwa. Mpeeke wakaamba ayi, “Ncibotu kwaamba ayi mfwe, kwiinda kunooli muumi!”