Jobo 6:10 - Baibo Busansulushi Bwa Libuku Ili

¹⁰ Lyalo moyo wangu inga wekala ceebo nshina kukakaawo maswi akwe Lesa Usalalite mukuciswa kwangu koonse nakukomeni.

Jobo 6:10 Referans Kwoze

Jobo 23:12

Nshina kusuulawo kale milawo yakwe. Ndakonkela maswi akwe kwiinda shintu shimwi shoonse mubuumi bwangu.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Bene Lefi 19:2

“Lwiita bene Isilaeli boonse ayi babe bantu basalalite, ceebo nebo neMwaami Lesa wanu ndisalalite.

Ciyubululo 4:8

Cilengwa cuumi coonse cakalinga kucite mapapaminwa ali osanwe alyomwi ayo akalinga kuswitebo meenso, mukati apansengwe. Malumwi amashiku teshakalinga kucileka kwiimba ayi, “Ulisalalite, Ulisalalite, Ulisalalite, Mwaami Lesa Shinkusu shoonse, wakalingaawo, uliiwo alimwi weshi akanooliiwo!”

Ciyubululo 3:7

“Mutanjilili wa kucoonde ca kuFiladelufya umulembele ayi, “Aya ngamakani aamba wooyo usalalite ushomeka alimwi ngoocite cakucalwisha cakwe Defedi, uyo ucita na wacalula, taaku weenga wacala alimwi na wacala, taaku weenga wacalula.

Bene Loma 8:32

Lesa wakabenga Mwanaakwe mwiine ceebo ca ndiswe soonse. Ono na taakwe kukasha Mwanaakwe kupenshekwa, inga waalilwa buyani kutupa shintu shimwi shoonse?

Milimo ya Batumwi 20:27

Mukwiinga taaku cintu nabi comwi ncendakamushisa, sombi ndakamushimikila shoonse nshaasuni Lesa.

Milimo ya Batumwi 20:20

Mulishi kwaamba ayi taaku cintu nabi comwi cakalinga kuyandika kuli ndimwe ncendakamushisa, sombi ndakamushimikila akumwiisha makani apali Jesu pameenso a bantu alimwi amumaandaanu.

Abakuku 3:3

Lesa wakesa kuswa kuEdomu, Lesa usalalite wakesa kuswa kuKalundu ka Palani. Bulemu bwakwe bwakafwekelesha liculu alimwi bamucishi ca panshi boonse bakamulumbaisha.

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.

Osiya 11:9

Teshi nkacite kweelana abukali bwangu, teshi nkanyonyoolewo Isilaeli alimwi mukwiinga ndi Lesa, kuteshi muntu. Nebo neUsalalite ndi pakati kanu, aboobo teshi nkese kuli ndimwe mubukali bwangu buyoosha.

Kulumbaisha 119:13

Ndaamba milawo yanu amulomo wangu, ee, milawo yoonse iswa kumulomo wanu.

Kulumbaisha 37:30

Mubandi wa muntu ululeme ngwa busongo alimwi lyoonse taaku ngwaanyengelela.

Jobo 22:22

Usuminebo shitooswa kumulomo wakwe akubika maswi akwe mucaamba cako.

Jobo 21:33

Bantu bamushindikila kucuumbwe mbaanji abuumbi. Ncakwiila uloona tontolo mucuumbwe cakwe.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Jobo 3:22

Balasangalala abuumbi ee, balasangalala na bashika mucuumbwe.

1 Samwelo 2:2

“Taaku usalalite mbuli Mwaami Lesa, taakuuwo uli mbuli nguwe, taaku mwaandami uli mbuli Lesa wesu.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Jobo 11:4

Webo ulaamba kuli Lesa ayi, ‘Mumaswi angu taamu kulubisha alimwi mwebo mulishi kwaamba ayi nshicite mulandu mumeenso anu.’

Jobo 15:11

Sa kuumusha kwakwe Lesa nkotutoocita kwakuceyela? Sa maswi akwe Lesa abombu ngotutokwaamba ngwaakuceyela?

Jobo 23:11

Myeendo yangu ilakonkelabo muntaamwa shakwe. Ndeenda munshila yakwe cakutapambookaawo, napaceyi.

Kulumbaisha 119:50

Moyo wangu wakalinga kushiite nabi mumapensho angu mukwiinga kushomesha kwanu kulampa buumi bupya.