Jobo 5:2 - Baibo Busansulushi Bwa Libuku Ili

² Ncakwiila bukali bulacaya muluya, awalo munyono ulacaya bataaku mbobabete.

Jobo 5:2 Referans Kwoze

Shikushimikila 7:9

Utafwambaani kukalala mumoyo wako ceebo bukali bulacanwa kubaluya.

Bene Loma 2:8

Sombi bamwi abo basuni kucita nshebasuni beene akukaka kucita shiluleme kabacitabo shitaluleme, Lesa ulaakuboombolosha mubukali bwakwe.

Osiya 7:11

“Bene Isilaeli balibo anga nimpolobe iyo icenjeekwabo paniini alimwi itacite maano. Sunu inga baya mukusenga lucafwo kubene Ijipiti, sombi ciilo nkucicila kubene Asilya.

Tushimpi 12:16

Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.

Kulumbaisha 107:17

Bamwi bakaba baluya ceebo ca shibiibi shabo, alimwi bakapenga ceebo ca shilubo shabo.

Kulumbaisha 92:6

Utabete musongo taakoonshi kwishiba, ee, muluya taakoonshi kunyumfwishisha

Kulumbaisha 75:4

Ndaambila bantu beshikulisumpula ayi, ‘Mutanoolisumpula!’ Abalo bamucita shibi ndabaambila ayi, ‘Amucileeke kulisumpula pankusu shanu.

Kulumbaisha 14:1

Baluya mumyoyo yabo balaamba ayi, “Taaku Lesa.” Bantu abo mbamucita shibi, micito yabo njibiibi. Ncakwiila taaku ucita shibotu nabi womwi.

Jobo 18:4

Ono webo nootolityoloola kubukali bwako, sa cishi ca panshi cilyeelete kucaala matongo ceebo ca bukali bwako? Sa mwaandami ulyeelete kuswa pamusena wa nguwo?

Matalikilo 30:1

Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”

2 Timoti 3:6

Bamwi balenjila mumaanda a bantu akwiinda kumaano banakashi balefukite, abo balemenetwe mikuli ya shibiibi shabo alimwi beendeleshekwa alunkumbwa lwa mushobo uli woonse.

Jona 4:9

Sombi Lesa wakaambila Jona ayi, “Sa kuli nceenga cakukalasha pacisamu ici?” Lyalo Jona wakakumbula ayi, “Ee, ndakonsha kukalala cakuyanda kufwa!”

Tushimpi 8:5

Mwebo nobaluya, amube atulango, ee, amube amaano akunyumfwisha shintu.

Tushimpi 27:3

Libwe ndilemu a museese ngumukuli unene, sombi shoonse ishi inga tasheelaniiwo akukalashikwa kumuluya.

Matalikilo 38:9

Nacibi boobo Onani wakalinga kwishi ayi baana teshi bakabe baakwe. Aboobo lyoonse na wakumana amwanakashi uyo, wakalinga kuwaalila panshi kwaamba ayi kubule baana ba mukwabo mulobe.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Tushimpi 19:19

Na muntu ngwa kamoyo kaniini muleke alibonene, ceebo wamufuna, ulaakucibooshawo.