Jobo 42:8 - Baibo Busansulushi Bwa Libuku Ili

⁸ Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

Jobo 42:8 Referans Kwoze

Shakubelenga 23:1

Mpeeke Balaamu wakaambila Balaki ayi, “Amunjakile shipaililo shosanwe ashobilo pano, akundetela bacende bosanwe abobilo alimwi ambelele shisankwa shosanwe ashobilo.”

Jemusi 5:16

Anu kamwaambilana shibiibi shanu akupaililana kwaamba ayi Lesa amushilike. Ceebo mupailo wa muntu ululeme ulicite nkusu abuumbi.

1 Makani 15:26

Mpeeke bakabenga baceende bali bosanwe abobilo alimwi ambelele shili shosanwe ashobilo kwaamba ayi Lesa acafwe bene Lefi abo bakanyamuna Libokoshi lya Cipangano.

Kulumbaisha 103:10

Taatupi milandu kweelana ashibiibi shesu, nabi kutubooshela cishole kweelana ashilubo shesu.

Jobo 22:30

Ulaakufuna woonse uyo utacite mulandu, awebo ulaakupulushikwa na nshoocita shililuleme.”

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Matalikilo 20:17

Lyalo Abulaamu wakapaila kuli Lesa. Mpomunyaawo alakwe wakashilika Abimeleki. Wakashilika amukaakwe alimwi abasha banakashi ayi bakonshe kushala.

Jemusi 5:14

Na umwi waciswa pakati kanu aaite bamatanjilili ba coonde kwaamba ayi bamupailile akumunanika mafuta muliina lya Mwaami Jesu.

Mateyo 3:17

Mpeeke liswi lyakanyumfwika kuswa kwiculu ayi, “Uyu ngoMwanaangu ngoonsuni. Pali nguwe ndikondetwe abuumbi.”

Jobo 42:9

Mpeeke Elifasi mwine Temani, Biludadi mwine Shuwa aSofa mwine Naama bakacita kweelana abwakabaambila Mwaami Lesa. Lyalo Mwaami Lesa wakakumbula mupailo wakwe Jobo.

Shakubelenga 23:29

Mpeeke Balaamu wakamwaambila ayi, “Anu njakile shipaililo shosanwe ashobilo pano akundetela bacende bosanwe abobilo alimwi ambelele shisankwa shosanwe ashobilo.”

Ciyubululo 3:9

Ono bona, kubantu abo ba mulikoto lyakwe Satana, balibanda ayi mbaJuda, sombi kabateshi mbabo, ndaakulengesha ayi bakese mukufukama muliimfwa lyako. Lyalo balaakwishiba ayi ndikusuni.

1 Joni 5:16

Ono na umwi wabona mubye kaacita cibiibi citatoli kulufu, amupailileeko kwaamba ayi Lesa amupe buumi. Ntokwaambabo bacita shibiibi shitatoli kulufu. Sombi nkocili cibiibi citola kulufu, aboobo nshintokwaamba ayi inga wapailila mubye pali ncico.

1 Joni 5:6

NguJesu Klistu mwiine wakesa kwiinda mumaanshi pakubombekwa kwakwe alimwi amubulowa bwa lufu lwakwe. Taakwe kwisabo mumaanshi mweenka, sombi mumaanshi abulowa bwakwe. Mushimu Usalashi ngoopa bukamboni pamakani aya mukwiinga Mushimu uyo ndolushinisho.

Esekelo 45:23

Pabushiku bomwi abomwi bwa nshiku isho shosanwe ashobilo shakusekelela, ulyeelete kupa bacende bosanwe abobilo alimwi ambelele shisankwa shosanwe ashobilo shitacite kampenda ayi njimilambu yakutenta kuMwaami Lesa. Ulyeelete kupa mpongo isankwa ayi ngumulambu wakulekelelwa shibiibi.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

2 Makani 29:21

Bantu bakaleta bacende bosanwe abobilo, mbelele shisankwa shosanwe ashobilo, bana ba mbelele basankwa bali bosanwe abobilo alimwi ampongo shisankwa shosanwe ashobilo. Mpeeke bakashibenga ayi ngumulambu wakulekelelwa shibiibi sha bamuŋanda ya mwaami abantu boonse bene Juda alimwi ayi ngumulambu wakusalasha Ŋanda yakwe Lesa. Mwaami wakaambila bapailishi, bamulunyungu lwakwe Aloni, ayi babenge banyama boonse abo pacipaililo ca Mwaami Lesa.

1 Samwelo 25:35

Lyalo Defedi watambula shintu isho shakaleta Abigelo kuli nguwe akumulwiita ayi, “Koya muluumuno, ndanyuumfwa maswi ako akusumina kusenga kwako.”

Shakubelenga 23:14

Lyalo wakamutola kumuunda wa Sofimu peculu lyaKalundu ka Pisiga. Apalo apo wakayakawo shipaililo shosanwe ashobilo akubengelawo mucende womwi alimwi ambelele isankwa yomwi pacipaililo comwi acomwi.

Kulonga 18:12

Lyalo Jetulo wakaleta mulambu wakutenta amilambubo imwi akubenga kuli Lesa. Mpomunyaawo Aloni alimwi abamatanjilili boonse bene Isilaeli bakayaakwe mukulya nyama iyo yakapekwa kuli Lesa ayi bamulambile.

Bene Ebulu 10:4

Mukwiinga bulowa bwa bacende alimwi abwa mpongo tabukushi shibiibi sha bantu.

2 Timoti 4:14

Alekisanda shikufula sheela wakambishisha abuumbi. Mwaami Lesa ulaakumupa mulandu weelete kweelana ancaakacita.

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 14:11

Mpomunyaawo Mwaami Lesa wakaŋambila ayi, “Utapailili bantu abo ayi shintu shibeendele kabotu.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Efeso 1:6

Atulumbaishe Lesa ceebo ca luse lwakwe luteelekwi kucintu cimwi, ulo ndwaakatutondesha muMwanaakwe uyo ngwaasuni abuumbi.

Matalikilo 20:7

Ono mubooshe mwanakashi uyu kuli ibaye, mukwiinga ngumulaluki alimwi utookupaililaako kwaamba ayi utafwi. Ono na ubule kumuboosha ntookucenjesha kwaamba ayi webo abantu bako boonse mutoofwa.”

Jobo 1:8

Mpomunyaawo Mwaami Lesa wakeepusha Satana ayi, “Sa wabonaawo musebenshi wangu Jobo? Ngumuntu utacite kampenda, ululeme, undemeka alimwi ushomeka kuli ndime.”

Jobo 35:8

Bubi bwako bulapenshabo muntu uli mbuli ndiwe. Abwalo bululami bwako bulacafwabo bantunyoko.