Jobo 4:11 - Baibo Busansulushi Bwa Libuku Ili

¹¹ Bamucita shibi balaloba bweenka mbuli nkalamu itoobula kuluma banyama ayi ilye, abalo bana babo bamucita shibi balapalangana.

Jobo 4:11 Referans Kwoze

Kulumbaisha 34:10

Nkalamu shilawisuka akufwa kunsala, sombi abo banyumfwila Mwaami Lesa, taaku cintu cibotu ncebabula.

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Kulumbaisha 7:2

kwaamba ayi batankwamooni bucita nkalamu, akunsutoola mutupanshapansha kwakubula aumfuna.

Jobo 38:39

“Sa webo inga wayandila nkalamu shakulya akusanina twana twa njiyo tufwite nsala

Jobo 1:19

Mpeeke kwesa cipuupu kuswa kuluyanga. Cawisha ŋanda akubacaya boonse. Ndime ndacicabo akwisa mukumulwiita shacitika.”

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Shakubelenga 23:24

Bene Isilaeli balanyamuka anga ninkalamu yanakashi, balalibusha anga ninkalamu isankwa. Tayookeshi kushikila yacaya akulya, akunwa bulowa bwa ceeco nceyacaya.”

Matalikilo 49:9

Juda uli anga mwanaankalamu, ucaya paya moyo akuboolela mucimfwengo cakwe. Mbuli nkalamu ulabwandama akoona panshi, nabi nkalamu yanakashi, anu ngani weenga wamusonkomona?

Jobo 5:4

Bana bakwe tabacite shikubafuna, balalyatililwa munkuta ceebo taaku aubacafwa.

Jobo 5:15

Sombi Lesa ulafuna bakandu kuswa kubalwani babo alimwi ulabafuna kuswa kubantu beshinkusu.

Jobo 20:10

Bana bakwe balaakupilusha shakabwesekwa kubakandu. Ee, balaakupilusha isho muntu uyo nshaakabwesa kuli mbabo.

Jobo 29:17

Ndakalinga kunyonyoola nkusu sha bamucita shibi akubalengesha kuleka baabo mbobakalinga kupensha.

Kulumbaisha 34:11

Amwise nobeensuma nomucikula mukutike, ntoomwiisha kuloonda Mwaami Lesa.